ബഡ്ജറ്റ് ബ്യൂട്ടി ടിപ്‌സ് അറിയൂ

ബേക്കിംഗ് സോഡ

സൗന്ദര്യസംരക്ഷണത്തിനു പറ്റിയ നല്ലൊരു വഴിയാണ് ബേക്കിംഗ് സോഡ. ഇത് നല്ലൊരു ഫേഷ്യല്‍ ക്ലീനറായി ഉപയോഗിക്കാം. പാദങ്ങളിലെ ദുര്‍ഗന്ധം തടയുന്നതിനും ഇത് നല്ലതാണ്.

സ്‌ട്രോബെറി

മുഖക്കുരു മാറുന്നതിനുള്ള നല്ലൊരു വഴിയാണ് സ്‌ട്രോബെറി. ഇതുടച്ച് മുഖത്തു പുരട്ടാം. ഇതിലെ സാലിസൈക്ലിക് ആസിഡ് മുഖക്കുരു ചെറുക്കുന്ന ഒരു ഘടകമാണ്.

ഉരുളക്കിഴങ്ങ്

കണ്ണിനു ചുറ്റുമുള്ള കറുപ്പകറ്റാന്‍ ഉരുളക്കിഴങ്ങ് കനം കുറച്ച് വട്ടത്തില്‍ അരിഞ്ഞ് വയ്ക്കാം. ഉരുളക്കിഴങ്ങിന്റെ ജ്യൂസ് പുരട്ടുകയും ചെയ്യാം. ഇത് മുഖത്തെ കറുത്ത പാടുകള്‍ നീക്കുന്നതിനും നല്ലതാണ്.

ടീ ബാഗ്

കണ്ണിനടിയിലെ കറുപ്പകറ്റാനുള്ള മറ്റൊരു വഴിയാണ് ടീ ബാഗ്. ഇത് അടുപ്പിച്ചു കണ്ണിനടിയില്‍ വച്ചു നോ്ക്കൂ. കറുപ്പു നിറം പോകും. കണ്ണിനടിയിലെ ക്ഷീണം മാറുകയും ചെയ്യും.

ചെറുനാരങ്ങ

നഖത്തിലെ പാടുകളും കറകളും പോകുന്നതിനുള്ള നല്ലൊരു വഴിയാണ് ചെറുനാരങ്ങ. ചെറുനാരങ്ങാനീര് അല്‍പം വെള്ളത്തില്‍ ചേര്‍ത്ത് ഇതില്‍ അല്‍പസമയം വിരലുകള്‍ മുക്കി വച്ചാല്‍ മതിയാകും.

പഞ്ചസാര

സൗന്ദര്യത്തിന് മൃതകോശങ്ങള്‍ അകറ്റേണ്ടത് അത്യാവശ്യമാണ്. പഞ്ചസാര നല്ലൊരു സ്‌ക്രബറായി പ്രവര്‍ത്തിയ്ക്കും.

പഴം

തിളങ്ങുന്നത ചര്‍മത്തിനുള്ള നല്ലൊരു ഫേസ്പായ്ക്കാണ് പഴമുടച്ചു മുഖത്തു പുരട്ടുന്നത്. ഇത് അല്‍പസമയം കഴിഞ്ഞു കഴുകിക്കളയാം.

തേന്‍

മുടിയ്ക്കു ചേര്‍ന്ന നല്ലൊന്നാന്തരം കണ്ടീഷണറാണ് തേന്‍. ഇത് മുടിയുടെ കട്ടി തോന്നിപ്പിയ്ക്കും. ചര്‍മത്തിന് നിറം നല്‍കുവാനും തേനിന് കഴിയും.

മയോണൈസ്

മയോണൈസ് മുടിയില്‍ പുരട്ടുന്നത് നല്ലതാണ്. ഇതും മുടിയുടെ ഉള്ളു വര്‍ദ്ധിപ്പിയ്ക്കാനുള്ള ഒരു വഴിയാണ്.