റോസാപ്പൂ കവിളുകള്‍ വേണോ ?

ചുവന്നു തുടുത്ത കവിളിണകള്‍ എന്നൊക്കെ വര്‍ണനകള്‍ സാധാരണം. എന്നാല്‍ യഥാര്‍ത്ഥ ജീവിതത്തില്‍ ഇതു ലഭിക്കാന്‍ വളരെ ബുദ്ധിമുട്ടാണ്.

ചുവന്നു തുടുത്തില്ലെങ്കില്‍ റോസ് നിറമുള്ള കവിളുകള്‍ സൗന്ദര്യത്തിന്റെ മാത്രമല്ല, ആരോഗ്യത്തിന്റെയും ലക്ഷണമാണ്. ഇത്തരം കവിളുകള്‍ താല്‍ക്കാലികമായി ലഭിക്കാനുള്ള ചില വഴികള്‍ കാണൂ.

ചൂടുവെള്ളം കൊണ്ട് മുഖം കഴുകുക. ഇത് മുഖം ചുവക്കാനുള്ള ഒരു മാര്‍ഗമാണ്. ഇങ്ങനെ ചെയ്യുമ്പോള്‍ രക്തം മുഖത്തേക്കു വരികയാണ് ചെയ്യുക.

സ്റ്റീം ബാത്ത് മുഖം ചുവക്കാനുള്ള മറ്റൊരു വഴിയാണ്. ഇത് ആരോഗ്യത്തിനും ഉന്മേഷത്തിനും നല്ലതു തന്നെ.

ചൂടുള്ള ചോക്ലേറ്റ് പാനീയം കുടിയ്ക്കുക. ഇത് മുഖം ചുവക്കാനുള്ള മറ്റൊരു വഴിയാണ്. ചോക്ലേറ്റ് നിങ്ങളുടെ ഉള്ളില്‍ തന്നെ ചൂടുണ്ടാക്കുകയാണ് ചെയ്യുന്നത്. ഇത് ചര്‍മത്തിലേക്ക് രക്തം പ്രവഹിക്കാന്‍ ഇടയാക്കും.

വൈന്‍ കുടിയ്ക്കുന്നതും മുഖത്തിന് റോസ്‌നിറം ലഭിയ്ക്കാനുള്ള മറ്റൊരു വഴി തന്നെ. വൈനും മുഖത്ത് രക്തപ്രവാഹമുണ്ടാകാന്‍ സഹായിക്കും.

കവിളുകള്‍ തിരുമ്മുന്നതും കവിളുകള്‍ മസാജ് ചെയ്യുന്നതുമെല്ലാം കവിളുകള്‍ ചുവക്കാനുള്ള വഴി തന്നെയാണ്. മുഖത്തിനുള്ള ചില വ്യായാമങ്ങളുണ്ട്, ഇതും മുഖം ചുവക്കാന്‍ സഹായിക്കും.