ചര്‍മം മൃദുവാക്കാന്‍ സ്വാഭാവിക വഴികള്‍

വെളളം

ശരീരത്തിന്റെ ആരോഗ്യത്തിനു മാത്രമല്ല, ചര്‍മാരോഗ്യത്തിനും വെള്ളം വളരെ പ്രധാനമാണ്. വെളളം ലഭിച്ചില്ലെങ്കില്‍ ചര്‍മം വരണ്ടതാകാനും ചുളിവുകളുണ്ടാകാനും സാധ്യത കൂടുതലുമാണ്.

വിയര്‍ക്കുന്നത്

വിയര്‍ക്കുന്നത് നമുക്കിഷ്ടമല്ലെങ്കിലും ചര്‍മാരോഗ്യത്തിന് ഇത് മികച്ചതാണ്. ഇതുവഴി ചര്‍മത്തിനടിയിലെ വിഷാംശം പുറന്തള്ളപ്പെടുന്നു.

കഴുകുന്നത്

മുഖം ഇടയ്ക്കു കഴുകുന്നത് നല്ലതാണ്. എന്നാല്‍ വളരെയേറെ തവണ, അതും സോപ്പുപയോഗിച്ചു മുഖം കഴുകുന്നത് ചര്‍മത്തിന്റെ മിനുസത്തെ ബാധിയ്ക്കും.

മൃതചര്‍മം

മുഖത്തെ മൃതചര്‍മം മാറ്റുക. ആവി പിടിച്ചും സ്‌ക്രബ് ചെയ്തും ഇതു നേടാം.

ടോണ്‍

മുഖത്തെ മൃതചര്‍മം അകറ്റിയ ശേഷം ചെറുനാരങ്ങാനീര്, പനിനീര് എന്നിവ ഉപയോഗിച്ച് ടോണ്‍ ചെയ്യാം. ഇത് മുഖത്തെ സുഷിരങ്ങളില്‍ അഴുക്കടിഞ്ഞു കൂടാതിരിക്കാന്‍ സഹായിക്കും.

രോമങ്ങള്‍

ചര്‍മത്തിലെ രോമങ്ങള്‍ മിനുക്കവും തിളക്കവും കുറയ്ക്കും. ഇത് വാക്‌സിംഗ്, ഷേവിംഗ് വഴികളിലൂടെ സാധ്യമാകും.

ആവി

മുഖത്ത് ആവി പിടിയ്ക്കുകയെന്നത് വളരെ പ്രധാനമാണ്. ഇത് മുഖം വരണ്ടു പോകാതിരിയ്ക്കുവാന്‍ വളരെ പ്രധാനവുമാണ്.

പച്ചക്കറികളും പഴവര്‍ഗങ്ങളും

നല്ല ചര്‍മത്തിന് നല്ല ഭക്ഷണശീലവും വളരെ പ്രധാനമാണ്. പ്രത്യേകിച്ച് വേവിയ്ക്കാത്ത പച്ചക്കറികളും പഴവര്‍ഗങ്ങളും നല്ല ചര്‍മത്തിന് വളരെ് അത്യാവശ്യമാണ്. ഉദാഹരണത്തിന് സിട്രസ് ഫലങ്ങളിലെ വൈറ്റമിന്‍ സി മുഖക്കുരുവിനെ ചെറുക്കും. ക്യാരറ്റ്, ബീറ്റ്‌റൂട്ട് എന്നിവ വൈറ്റമിന്‍ എ നല്‍കും.

മേയ്ക്കപ്പ്

മേയ്ക്കപ്പ് അധികനേരം മുഖത്തിരിയ്ക്കാന്‍ അനുവദിയ്ക്കാതിരിക്കുക. ഇതിലെ ദോഷകരമായ കെമിക്കലുകള്‍ ചര്‍മത്തിന്റെ ശത്രുവാണ്.

മുഖത്തു തൊടുന്ന ശീലം

എപ്പോഴും മുഖത്തു തൊടുന്ന ശീലം മുഖചര്‍മത്തിന് ദോഷം ചെയ്യും. ചര്‍മം പിടിച്ചു വലിയ്ക്കാതിരിയ്ക്കുകയും മുഖക്കുരു പോലുള്ളവ പൊട്ടിയ്ക്കാതിരിയ്ക്കുകയും ചെയ്യുക.

ഈര്‍പ്പം

ചര്‍മത്തിന് ഈര്‍പ്പം അത്യാവശ്യമാണ്.രാത്രി കിടക്കുവാന്‍ നേരം നല്ല മോയിസ്ചറൈസര്‍ ചര്‍മത്തില്‍ പുരട്ടുന്നത് നല്ലതാണ്.

നല്ല ഉറക്കം

നല്ല ഉറക്കം നല്ല ചര്‍മത്തിന് വളരെ അത്യാവശ്യമാണ്. ചര്‍മകോശങ്ങള്‍ കേടുപാടു തീര്‍ക്കുന്നത് ഈ സമയത്താണെന്നു പറയാം. നല്ല ഉറക്കവും തിളങ്ങുന്ന ചര്‍മത്തിന് അത്യാവശ്യം തന്നെ.

കൂടുതല്‍ ലേഖനങ്ങള്‍ക്ക് ഹോം പേജിലേയ്ക്കു പോകൂ