ചര്‍മസംരക്ഷണത്തിന് ചായയും!!

എണ്ണമയം

കട്ടന്‍ചായ ആരോഗ്യത്തിന് ഏറെ നല്ലതാണ്. ഇതുപോലെയാണ് ചര്‍മസംരക്ഷണത്തിനും. കട്ടന്‍ ചായ മുഖത്തു പുരട്ടുന്നത് മുഖത്തെ അമിതമായ എണ്ണമയം നീക്കാന്‍ വളരെ നല്ലതാണ്.

പാല്‍ ചേര്‍ത്ത ചായ

വരണ്ട ചര്‍മത്തിനു പറ്റിയ നല്ലൊരു പരിഹാരമാണ് പാല്‍ ചേര്‍ത്ത ചായ. ആഴ്ചയില്‍ രണ്ടുദിവസം പാല്‍ ചേര്‍ത്ത ചായ കൊണ്ടു മുഖം മസാജ് ചെയ്തു നോക്കൂ, ഗുണമുണ്ടാകും.

ഗ്രീന്‍ ടീ

ചായകളില്‍ തന്നെ ഗ്രീന്‍ ടീ ഏറെ നല്ലതാണ്. ഗ്രീന്‍ ടീ മുഖത്തു പുരട്ടി നോ്ക്കൂ. ഇത് മുഖത്തെ അഴുക്കു നീക്കം ചെയ്യും.

കറുവാപ്പട്ട, ഗ്രാമ്പൂ ചായ

കറുവാപ്പട്ട, ഗ്രാമ്പൂ എന്നിവ ചേര്‍ത്ത ചായയും ചര്‍മസംരക്ഷണത്തിന് നല്ലതാണ്. ഇതില്‍ അല്‍പം പഞ്ഞിയില്‍ എടുത്തു മുഖത്തു പുരട്ടി നോ്ക്കൂ. മുഖക്കുരു വരുന്നതു തടയാന്‍ ഇത് സഹായിക്കും.

ഹെര്‍ബല്‍ ചായ

മുഖത്തെ പാടുകള്‍ മാറ്റാന്‍ ഹെര്‍ബല്‍ ചായ കൊണ്ടു മുഖം കഴുകുന്നതു നല്ലതാണ്.

റോസ് ടീ

ചായയില്‍ അല്‍പം റോസാദളകള്‍ ചേര്‍ത്ത് തിളപ്പിയ്ക്കുക. ഈ റോസ് ടീ മുഖത്തെ എണ്ണമയം അകറ്റാന്‍ സഹായിക്കും.

ഊലോംഗ് ടീ

ചര്‍മത്തിന് തിളക്കം നല്‍കാന്‍ ഊലോംഗ് ടീ നല്ലതാണ്. ഇത് ആഴ്ചയില്‍ ഒരിക്കല്‍ മുഖത്തു പുരട്ടി മസാജ് ചെയ്യുക.

വൈറ്റ് ടീ

വൈറ്റ് ടീ മുഖചര്‍മത്തിന് വളരെ നല്ലതാണ്. ഇതുകൊണ്ടു മുഖം മസാജ് ചെയ്താല്‍ നിറം വര്‍ദ്ധിയ്ക്കും. ഫലം കിട്ടാന്‍ 15 ദിവസം അടുപ്പിച്ച് ഇതു ചെയ്യുക തന്നെ വേണം.

ബദാം ടീ

ബദാം ടീയില്‍ കാല്‍സ്യം, സിങ്ക് എന്നിവ അടങ്ങിയിട്ടുണ്ട്. ഇതുപയോഗിച്ചു മുഖം മസാജ് ചെയ്യുന്നത് മുഖത്തെ വീര്‍മത നീക്കം ചെയ്യാന്‍ സഹായിക്കും. പ്രത്യേകിച്ച് ഉണര്‍ന്നെഴുന്നേല്‍ക്കുമ്പോള്‍.

ഫ്രൂട് ടീ

ഫ്രൂട്‌സ് ഫ്‌ളേവറുകള്‍ ഉപയോഗിച്ചു തയ്യാറാക്കുന്ന ചായയുണ്ട്. ഇത്തരം ഫ്രൂട് ടീ ഉപയോഗിച്ചു മുഖം മസാജ് ചെയ്യുന്നത് നല്ലൊരു മോയിസ്ചറൈസറിന്റെ ഗുണം നല്‍കും.