ചര്‍മം കണ്ടാല്‍ ആരോഗ്യമറിയാം

നല്ല ചര്‍മം സൗന്ദര്യത്തിന്റെ മാത്രമല്ല, ആരോഗ്യത്തിന്റെയും ലക്ഷണമാണ്. ചര്‍മത്തിലെ പല പ്രശ്‌നങ്ങളും ശരീരത്തിന്റെ ആരോഗ്യപ്രശ്‌നങ്ങള്‍ കൂടിയാണ്.

ഉദാഹരണത്തിന് ചര്‍മത്തില്‍ ചുളിവുകള്‍ ധാരാളമുണ്ടെന്നു കരുതുക. ഇത് എല്ലുകളുടെ ബലക്കുറവാണ് കാണിക്കുന്നത്. ചുളിവുകള്‍ കൂടുന്തോറും എല്ലുകളുടെ അത്രതന്നെ കുറവാണെന്നതാണ് കാണിക്കുന്നതും.

കഴുത്തിലും കക്ഷത്തിലുമെല്ലാം കറുത്ത പാടുകള്‍ കാണുന്നത് പ്രമേഹലക്ഷണമാണ് കാണിക്കുന്നത്. അമിതവണ്ണമുള്ളവരിലും ഇതു കാണാന്‍ സാധ്യത കൂടുതലാണ്.

തൈറോയ്ഡ് പ്രശ്‌നങ്ങളുണ്ടെങ്കില്‍ മുടി കൊഴിഞ്ഞു പോകും, നഖങ്ങള്‍ ഒടിയും, ചര്‍മം വരണ്ടതാവുകയും ചെയ്യും. തൈറോയ്ഡ് ഹോര്‍മോണ്‍ പ്രവര്‍ത്തനരഹിതമാകുന്നതാണ് ഇതിന് കാരണം.

ജീവനില്ലാത്ത ചര്‍മമെന്നു ചിലപ്പോഴെങ്കിലും പറയാറുണ്ട്. ഇത് കേവലം ചര്‍മപ്രശ്‌നമായി മാത്രം കാണാനാകില്ല. ഒമേഗ ത്രീ ഫാറ്റി ആസിഡിന്റെ പോരായ്മയായിരിക്കും ഇതിനുള്ള ഒരു മുഖ്യ കാരണം. ഇത്തരം അവസരങ്ങളില്‍ ഇവയടങ്ങിയ ഭക്ഷണം കഴിയ്ക്കുകയോ ഗുളികകള്‍ കഴിയ്ക്കുകയോ ചെയ്താല്‍ പരിഹാരമാകും.