സൗന്ദര്യം നല്‍കും പ്രകൃതിദത്ത രീതികള്‍

ബദാം

ബദാം അരച്ച് പനിനീരില്‍ ചേര്‍ത്ത് മുഖത്തു പുരട്ടുന്നത് നല്ലൊരു സ്‌ക്രബറിന്റെ ഗുണം തരും. മുഖത്തെ മൃതചര്‍മം ഒഴിവാക്കാന്‍ ഇത് സഹായിക്കും.

വെള്ളരിക്ക, തണ്ണിമത്തന്‍ , പാല്‍പ്പാട

വെള്ളരിക്കാ നീര്, തണ്ണിമത്തന്‍ ജ്യൂസ്, പാല്‍പ്പാട എന്നിവ ചേര്‍ത്ത് മുഖത്ത തേയ്ക്കാം. പത്തു മിനിറ്റ് കഴിഞ്ഞ് കഴുകിക്കളയാം.

കുങ്കുമപ്പൂ

അല്‍പം കുങ്കുമപ്പൂ നാളികേരപ്പാലുമായി ചേര്‍ത്ത് ചൂടാക്കുക. ഈ മിശ്രിതം കട്ടിയാകുമ്പോള്‍ ഫേസ് പായ്ക്കായി ഉപയോഗിക്കാം.

ചെറുനാരങ്ങാനീര്, തൈര്

ഉരുളക്കിഴങ്ങിന്റെ നീര്. ചെറുനാരങ്ങാനീര്, തൈര് എന്നിവ ചേര്‍ത്ത്് മുഖത്തു പുരട്ടാം. ചര്‍മം മിനുസമാകുകയും തിളക്കമേറുകയും ചെയ്യും.

പഴം, തേന്‍

പഴമുടച്ച് തേനും ചേര്‍ത്ത് മുഖത്തു തേയ്ക്കുന്നത് നല്ലതാണ്. ഇത് ചര്‍മം വലിഞ്ഞുതൂങ്ങുന്നത് ഒഴിവാക്കും.

പാല്‍പ്പാടയും തേനും

പാല്‍പ്പാടയും തേനും വേണമെങ്കില്‍ അല്‍പം പാലും കൂട്ടിച്ചേര്‍ത്ത് ക്രീമാക്കി മുഖത്തു പുരട്ടാം. ചര്‍മം വരളില്ല.

തക്കാളി

തക്കാളി മുറിച്ച് മുഖത്ത് അല്‍പനേരം ഉരസുന്നത് വടുക്കളും പാടുകളും മാറാന്‍ സഹായിക്കും.

ആപ്പിള്‍

ആപ്പിളുടച്ച് തേന്‍ ചേര്‍ത്ത് മുഖത്തു പുരട്ടുന്നത് തിളക്കമുള്ള ചര്‍മം ലഭിയ്ക്കുവാന്‍ സഹായിക്കും.