സുന്ദരമായ ചര്‍മം വേണ്ടേ?

ക്രീമുകള്‍

സ്വന്തം ചര്‍മത്തിന് ചേര്‍ന്ന ക്രീമുകള്‍ നോക്കി വാങ്ങണം. ഒരേ ക്രീം തന്നെ തുടര്‍ച്ചയായി ഉപയോഗിക്കുകയും വേണം. അല്ലെങ്കില്‍ പ്രയോജനമുണ്ടാകില്ല. ആല്‍ഫ ഹൈഡ്രോക്‌സി ആസിഡ്, കൈനെറ്റിന്‍, ആന്റി ഓക്‌സിഡന്റുകള്‍ തുടങ്ങിയവ അടങ്ങിയ ക്രീമുകള്‍ നോക്കി വാങ്ങുന്നത് നന്നായിരിക്കും.

വൃത്തി

നല്ല ചര്‍മത്തിന് വൃത്തിയും പ്രധാനം തന്നെ. ചര്‍മത്തില്‍ അഴുക്കുണ്ടാകാതെ നോക്കണം. രാത്രി കിടക്കുന്നതിന് മുന്‍പ് മുഖം കഴുകാന്‍ മറക്കരുത്. മുഖത്ത് ആവി പിടിക്കുന്നത് ചര്‍മസുഷിരങ്ങളിലെ അഴുക്ക് നീക്കും.

മുഖക്കുരു, കരുവാളിപ്പ്

ചര്‍മത്തില്‍ എന്തെങ്കിലും അസ്വഭാവികതകളോ അലര്‍ജിയോ കണ്ടാലും മുഖക്കുരു, കരുവാളിപ്പ് തുടങ്ങിയ പ്രശ്‌നങ്ങള്‍ പൊടുന്നനെ വന്നാലും സ്‌കിന്‍ ഡോക്ടറെ കാണുക. അല്ലാതെ സ്വയം ചികിത്സ വേണ്ട. ഇത് ചിലപ്പോള്‍ പ്രശ്‌നങ്ങള്‍ കൂടുതല്‍ ഗുരുതരമാക്കും.

മദ്യം, കാപ്പി, ശീതളപാനീയങ്ങള്‍

മദ്യം, കാപ്പി, ശീതളപാനീയങ്ങള്‍ തുടങ്ങിയവയുടെ ഉപയോഗം കഴിവതും കുറയ്ക്കുക.

പോഷകഗുണമുള്ള ഭക്ഷണങ്ങള്‍

ഭക്ഷണവും നല്ല ചര്‍മത്തിന് പ്രധാനം തന്നെ. പച്ചക്കറികളും ഫലവര്‍ഗങ്ങളുമടക്കമുള്ള പോഷകഗുണമുള്ള ഭക്ഷണങ്ങള്‍ കഴിയ്ക്കുക.

വ്യായാമം

വ്യായാമവും നല്ല ചര്‍മത്തിന് നല്ലതാണ്. കൊഴുപ്പടിയാത്ത നല്ല ശരീരത്തിന് പതിവായുള്ള വ്യായാമം ശീലമാക്കുക.