രാത്രിയിലും വേണം സൗന്ദര്യസംരക്ഷണം

Published: Friday, October 4, 2013, 13:32 [IST]

രാവിലെയുള്ള അധ്വാനത്തിനു ശേഷം മുഴുവന്‍ ക്ഷീണവും മിക്കവാറും പേര്‍ തീര്‍ക്കുന്നത് ഉറക്കത്തിലൂടെയായിരിയ്ക്കും. ആരോഗ്യമുള്ള ശരീരത്തിന് ഇത് അത്യാവശ്യമാണ്.

ആരോഗ്യമുള്ള ശരീരത്തിനു മാത്രമല്ല, ചര്‍മത്തിനും ഉറക്കം അത്യാവശ്യമാണ്. ചര്‍മകോശങ്ങളുടെ കേടുപാടുകള്‍ തീര്‍ക്കുന്നത് രാത്രിയിലെ ഉറക്കത്തിലാണെന്നു പറയാം.

ഉറങ്ങുമ്പോള്‍ ശാരീരിക പ്രക്രിയകള്‍ വഴി ചര്‍മ, സൗന്ദര്യസംരക്ഷണം നടക്കുമെങ്കിലും ഉറങ്ങുന്നതിനു മുന്‍പ് നമ്മളായി ചെയ്യേണ്ട ചില സൗന്ദര്യസംരക്ഷണങ്ങളുണ്ട്. ഇവയെന്തെന്നു നോക്കൂ,

രാത്രിയിലും വേണം സൗന്ദര്യസംരക്ഷണം

കിടക്കുന്നതിനു മുന്‍പ് മുഖം വൃത്തിയായി കഴുകണം. ഇതിനു വേണമെങ്കില്‍ വീര്യം കുറഞ്ഞ ക്ലെന്‍സറോ ഫേസ് വാഷോ ഉപയോഗിക്കാം.

രാത്രിയിലും വേണം സൗന്ദര്യസംരക്ഷണം

കിടക്കും മുന്‍പ് നൈറ്റ് ക്രീമുകള്‍ തേയ്ക്കുന്നതും നല്ലതായിരിക്കും. പ്രത്യേകിച്ച് വരണ്ട ചര്‍മമുള്ളവര്‍ക്ക്. എന്നാല്‍ അധികം എണ്ണമയമുള്ള ക്രീമുകള്‍ ഉപയോഗിക്കാതിരിക്കാന്‍ ശ്രദ്ധിയ്ക്കുക. അധികം കട്ടി കൂടിയ ക്രീമുകളും ഉപയോഗിക്കരുത്. ചര്‍മസുഷിരങ്ങളില്‍ കൂടി വായുപ്രവാഹമുണ്ടാകേണ്ടത് അത്യാവശ്യമാണ്.