കണ്‍തടത്തിലെ കറുപ്പിന് പരിഹാരങ്ങള്‍

തക്കാളി

തക്കാളി ഉപയോഗിച്ചുണ്ടാക്കുന്ന പായ്ക്ക് ഡാര്‍ക് സര്‍ക്കിള്‍ തടയാന്‍ നല്ലതാണ്. തക്കാളി പള്‍പ്പെടുക്കുക. ഇതില്‍ ചെറുനാരങ്ങാനീര്, ഒരു നുള്ള് കടലമാവ്, മ്ഞ്ഞള്‍പ്പൊടി എന്നിവ ചേര്‍ത്ത് കണ്ണിനു ചുറ്റും പുരട്ടാം. ഉണങ്ങിക്കഴിഞ്ഞ് കഴുകിക്കളയാം.

ബദാം ഓയില്‍

ബദാം ഓയില്‍ കണ്ണിനു ചുറ്റും പുരട്ടി മസാജ് ചെയ്യുക. അല്‍പം കഴിഞ്ഞ് കഴുകിക്കളയാം.

പനിനീര്‌

പനീനീരില്‍ പഞ്ഞി മുക്കി കണ്ണുകള്‍ക്കു മുകളില്‍ വയ്ക്കുക.ഇത് ദിവസവും ചെയ്യുന്നത് പ്രയോജനം നല്‍കും. തണുപ്പിച്ച പനിനീരെങ്കില്‍ കണ്ണിന് കൂടുതല്‍ സുഖവും ലഭിയ്ക്കും.

തുളസി

തുളസിയില അരച്ച് കണ്ണിനു ചുറ്റും പുരട്ടുന്നതും കണ്‍തടത്തിലെ കറുപ്പകറ്റാന്‍ പറ്റിയ വഴിയാണ്.

ഓറഞ്ച്

ഓറഞ്ച് നീരും ഗ്ലിസറിനും കലര്‍ത്തി കണ്ണിനു ചുറ്റും പുരട്ടുന്നതും ഗുണം ചെയ്യും.

കുക്കുമ്പര്‍

കുക്കുമ്പര്‍ മുറിച്ച കണ്ണിന് ചുറ്റും വയ്ക്കുന്നത് കണ്‍തടത്തിലെ കറുപ്പകറ്റാന്‍ പറ്റിയ വഴിയാണ്.

ഉരുളക്കിഴങ്ങ്

ഉരുളക്കിഴങ്ങ് തൊലി കളഞ്ഞ് കനം കുറച്ച് വട്ടത്തില്‍ അരിയുക. ഇത് കണ്ണുകള്‍ക്കു മുകളില്‍ വയ്ക്കുന്നത് ഗുണം ചെയ്യും.

ചെറുനാരങ്ങാനീര്

ചെറുനാരങ്ങാനീര് നേര്‍പ്പിച്ച് കണ്ണിനടിയില്‍ പുരട്ടുന്നതും ഗുണം ചെയ്യും.

ടീ ബാഗ്

ടീ ബാഗ് തണുപ്പിച്ച് കണ്ണിനടിയില്‍ വയ്ക്കുന്നതും നല്ലതു തന്നെ.