Click it and Unblock the Notifications
Latest Updates
-
സ്കന്ദഷഷ്ടി 2026: സൂരസംഹാരത്തിന് തിരുച്ചെന്തൂരിലേക്ക് പോകുന്നുണ്ടോ? ഭക്തർ അറിയേണ്ട പ്രധാന കാര്യങ്ങൾ -
ഛത്ത് പൂജയ്ക്ക് വീട് ഒരുക്കുമ്പോൾ ശ്രദ്ധിക്കൂ; ഈ വാസ്തു തെറ്റുകൾ ഐശ്വര്യം തടയുമോ? -
ബുധൻ നേർരേഖയിലാകുന്നു: നവംബർ 13-ന് ശേഷം ജീവിതത്തിൽ ശ്രദ്ധിക്കേണ്ട കാര്യങ്ങൾ -
ഡൽഹിയിൽ ശ്വാസം മുട്ടിക്കുന്ന പുകമഞ്ഞ്; AQI ഉയരുമ്പോൾ ജീവൻ രക്ഷിക്കാൻ ഈ മുൻകരുതലുകൾ എടുക്കൂ -
വിഷയോഗം ഇന്ന് രാത്രി: അനാവശ്യ ആശങ്ക വേണ്ട, ശ്രദ്ധിക്കേണ്ട കാര്യങ്ങൾ ഇതാ -
നവംബർ 10: ചന്ദ്രൻ വൃശ്ചിക രാശിയിലേക്ക്; ജീവിതത്തിൽ ഈ മാറ്റങ്ങൾ വരുത്താം, ജാഗ്രതയും പ്രധാനം -
സർവാർത്ഥ സിദ്ധി, അമൃത സിദ്ധി യോഗം: അന്ധവിശ്വാസത്തിൽ വീഴാതെ ഇന്ന് രാത്രി ശ്രദ്ധിക്കേണ്ട കാര്യങ്ങൾ ഇതാ -
നവംബർ 10-16: ഈ 4 രാശിക്കാർക്ക് വരാനിരിക്കുന്നത് സുവർണ്ണകാലം, പണവും കരിയറും മെച്ചപ്പെടും - അറിയേണ്ടതെല്ലാം -
ഭായ് ദൂജ് 2026: ആഘോഷം സുരക്ഷിതമാക്കാം, സഹോദരങ്ങൾക്കായി ഈ കാര്യങ്ങൾ ശ്രദ്ധിക്കൂ -
2026 നവംബർ 10 നക്ഷത്രഫലം: അശ്വതി മുതൽ രേവതി വരെ, ഇന്നത്തെ ദിവസം നിങ്ങൾക്ക് അനുകൂലമോ?
കാല്‍പ്പാദത്തിലെ ദുര്‍ഗന്ധമകറ്റാന്‍.....
ഓഫീസിലോ വീട്ടിലോ കയറിയാല്‍ കാലിലെ ദുര്‍ഗന്ധം കാരണം മറ്റുള്ളവര്‍ മൂക്കുപൊത്തുന്നുവെന്നതാണോ നിങ്ങളുടെ പ്രശ്നം. പരിഹാരം വീട്ടില്‍ത്തന്നെയുണ്ട്.പാദം മുഴുവനായി പൊതിയുന്ന ഷൂസിനും ചെരിപ്പിനും ഉള്ളില്‍ ചൂടും ഈര്‍പ്പവും കെട്ടിക്കിടക്കുന്നതു കാരണം ബാക്ടീരിയ പെരുകുന്നതാണ് ഈ ദുര്‍ഗന്ധത്തിന് കാരണം.ചെരിപ്പും ഷൂസും സോക്സും കഴിവതും വൃത്തിയായി സൂക്ഷിക്കുക എന്നതാണ് ഇതിനെ നേരിടാനുള്ള പ്രധാന പോംവഴി.അതേസമയം ശരീരത്തിലെ ഹോര്‍മോണ്‍ വ്യതിയാനം കൊണ്ടും മാനസിക പിരിമുറുക്കം കൊണ്ടുമെല്ലാം ഇത് സംഭവിച്ചേക്കാം.
അധികനേരം മൂടിവയ്ക്കുന്ന കാല്‍പ്പാദത്തിനുള്ളിലെ ചൂടും വിയര്‍പ്പും ബാക്ടീരിയയ്ക്ക് ഭക്ഷണമാകുകയും അവ പെരുകി ഐസോവലേറിക്ക് ആസിഡ് എന്ന രാസപദാര്‍ത്ഥം പുറന്തള്ളുകയും ചെയ്യുന്നു . ഇതാണ് യഥാര്‍ത്ഥത്തില്‍ ദുര്‍ഗന്ധത്തിന് കാരണമാകുന്നത്. കാല്‍പ്പാദത്തിനുള്ളില്‍ വിയര്‍പ്പു ഗ്രന്ഥികള്‍ അധികമുള്ളത് ഇതിന് ആക്കം കൂട്ടുകയും ചെയ്യുന്നു. പാദത്തിലെ ദുര്‍ഗന്ധം അകറ്റാന്‍ ഇതാ വീട്ടില്‍ തന്നെ ചെയ്യാന്‍ കഴിയുന്ന ചില ചികിത്സകള്‍....
സോക്സുകള്‍
പാദ ദുര്‍ഗന്ധത്തെ പടിയ്ക്കു പുറത്ത് നിര്‍കത്താനുള്ള എളുപ്പവഴി വൃത്തി തന്നെ. ഷൂസും സോക്സും എപ്പോഴുംവൃത്തിയായി സൂക്ഷിച്ചാല്‍ കാലിലെ ദുര്‍ഗന്ധത്തെക്കുറിച്ച് പേടിക്കണ്ടതില്ല.സോക്സുകള്‍ എന്നും കഴുകണം. തുണികൊണ്ട് നിര്‍മ്മിച്ചതാണെങ്കില്‍ ഷൂസും കഴുകി ഉപയോഗിക്കാം.ലെതര്‍ ഷൂസ് ആണെങ്കില്‍ ഇടയ്ക്കിടെ വെയിലത്ത് വച്ച് ഈര്‍പ്പം മാറ്റി എടുക്കാം.ഷൂസിനകത്ത് കുറച്ച് ബോക്കിംഗ് സോഡ വിതറുന്നതും ദുര്‍ഗന്ധമകറ്റാന്‍ നല്ലതാണ്.
ടീ ബാഗ്‌
പാദത്തിന് ദുര്‍ഗന്ധം രൂക്ഷമായി അനുഭവപ്പെടുന്നുണ്ടെങ്കില്‍ ചൂടുവെള്ളത്തില്‍ രണ്ടോ മൂന്നോ ടീ ബാഗുകളിട്ട് അതിലേക്ക് പാദം മുക്കി വയ്ക്കുക.അരമണിക്കൂര്‍ നേരം ഇങ്ങനെ വച്ചാല്‍ ദുര്‍ഗന്ധത്തിന് ശമനമുണ്ടാകും.
ആപ്പിള്‍ വിനാഗിരി
ആപ്പിള്‍ വിനാഗിരി അല്‍പ്പം ചൂടുവെള്ളത്തിലൊഴിച്ച് അതില്‍ പാദംമുക്കി വച്ചാലും ദുര്‍ഗന്ധമകറ്റാന്‍ കഴിയും.ഉപയോഗിക്കുന്ന സോക്സ് ഈ വെള്ളത്തില്‍ മുക്കി വയ്ക്കുന്നതും ദുര്‍ഗന്ധമകറ്റാനുള്ള പോംവഴിയാണ്.
സോപ്പ്‌
ആന്‍റിബാക്ടീരിയല്‍ സോപ്പാണ് പാദത്തിന്‍റെ ദുര്‍ഗന്ധം തടയാനുള്ള മറ്റൊരു വഴി. ഈ സോപ്പുപയോഗിച്ച് ദിവസം രണ്ട് നേരം കാല് കഴുകിയാല്‍ ബാക്ടീരിയകളുടെ വളര്‍ച്ച തടയാനും അതുവഴി ദുര്‍ഗന്ധത്തെ അകറ്റി നിര്‍ത്താനും കഴിയും.
കഞ്ഞി വെള്ളം
കഞ്ഞി വെള്ളത്തില്‍ കാല് മുക്കി വയ്ക്കുന്നതും നാറ്റം അകറ്റാന്‍ സഹായിക്കും.സാധാരണ അരി അരമണിക്കൂര്‍ നേരം വെള്ളത്തിലിട്ട് തിളപ്പിക്കുക.ശേഷം അരി വാര്‍ത്തു വച്ച് അതിന്‍റെ സത്ത് അടങ്ങിയ വെള്ളത്തില്‍ കാല് ഇറക്കി വയ്ക്കുക.പാദത്തിന്‍റെ ദുര്‍ഗന്ധം പോയവഴി കാണില്ല.
കല്ലുപ്പ്
കാല്‍പ്പാദം നന്നായി വിയര്‍ക്കുന്നതാണെങ്കില്‍ കല്ലുപ്പ് ചേര്‍ത്ത വെള്ളത്തില്‍ മുക്കി വയ്ക്കുന്നത് നല്ലതാണ് . ഇതിന് ശേഷം വീണ്ടും കഴുകാതെ കാല് നന്നായി ഉണക്കണം. ഇത് ദുര്‍ഗന്ധമകറ്റാന്‍ സഹായിക്കും.
സുഗന്ധലേപനങ്ങള്‍
കാലിന്‍റെ ദുര്‍ഗന്ധം മാറ്റാന്‍ സുഗന്ധലേപനങ്ങളും ഉപയോഗിക്കാം.അത് ദീര്‍ഘനേരം നിലനില്‍ക്കുന്ന ദുര്‍ഗന്ധം മാറ്റി സുഗന്ധം നിലനിര്‍ത്താന്‍ സഹായിക്കും.വിയര്‍പ്പകറ്റാന്‍ ടാല്‍ക്കം പൌഡറുകളും ഉപയോഗിക്കാവുന്നതാണ്.
ഭക്ഷണങ്ങള്‍
നിങ്ങള്‍ കഴിക്കുന്ന ഭക്ഷണവുമായും കാല്‍പ്പാദത്തിലെ വിയര്‍പ്പിന് ബന്ധമുണ്ട്.ഉള്ളി,കുരുമുളക്,വെളുത്തുള്ളി തുടങ്ങി ഭക്ഷണ പദാര്‍ത്ഥങ്ങള്‍ കൂടുതലായി ഉപയോഗിക്കുന്നവരില്‍ വിയര്‍പ്പിന് രൂക്ഷഗന്ധം അനുഭവപ്പെടാറുണ്ട്.കൂടുതല്‍ നേരം കാല് മുഴുവനായി മൂടി നില്‍ക്കുന്ന ചെരിപ്പുകള്‍ ധരിക്കുന്നവര്‍ ഇത്തരം ഭക്ഷണങ്ങള്‍ കുറച്ചാല്‍ വിയര്‍പ്പ് നാറ്റം ഒഴിവാക്കാനും അതുവഴി കാല്‍പ്പാദത്തിലെ ദുര്‍ഗന്ധം ഒഴിവാക്കാനും കഴിയും.
Continue with Google
