വീട്ടിലുണ്ടാക്കാം, മോയിസ്ചറൈസറുകള്‍

തേനും പാലും

തേനും പാലും ചേര്‍ത്ത് മോയിസ്ചറൈസര്‍ ഉണ്ടാക്കാന്‍ സാധിയ്ക്കും. ഇവ രണ്ടും ചര്‍മത്തെ വരള്‍ച്ചയില്‍ നിന്നും സംരക്ഷിക്കുന്നവയാണ്. ഇത് ചര്‍മത്തില്‍ പുരട്ടി അല്‍പം കഴിയുമ്പോള്‍ കഴുകിക്കളയാം.

സ്‌ട്രോബെറി

സ്‌ട്രോബെറി നല്ലപോലെ ഉടച്ച് ഇതില്‍ പാല്‍പ്പാടയും ഒരു സ്പൂണ്‍ ചെറുനാരങ്ങാനീരും ചേര്‍ത്തിളക്കുക. ഇത് ഫ്രിഡ്ജില്‍ വച്ചശേഷം തണുത്തു കഴിയുമ്പോള്‍ എടുത്ത് മുഖത്തും കൈകാലുകളിലും പുരട്ടാം. അല്‍പം കഴിയുമ്പോള്‍ കഴുകിക്കളയാം. ചര്‍മം മൃദുവാകാനും നിറം ലഭിയ്ക്കാനും ഇത് സഹായിക്കും.

കറ്റാര്‍ വാഴ

കറ്റാര്‍ വാഴയുടെ ജെല്ലും ഗ്രേപ് സീഡ് ഓയിലും ചേര്‍ത്തിളക്കുക. കറ്റാര്‍ വാഴ പൊളിച്ച് ഇതില്‍ നിന്നും ജെല്ലെടുക്കാം. ഇത് നല്ലപോലെ ചേര്‍ത്തിളക്കുക. ഇത് ഫ്രിഡ്ജില്‍ സൂക്ഷിച്ചു വച്ച് കൂടുതല്‍ നാള്‍ ഉപയോഗിക്കാം. ഇത് ചര്‍മത്തില്‍ പുരട്ടുന്നത് ചര്‍മത്തിന് മൃദുത്വവും ഈര്‍പ്പവും നല്‍കും.

വെളിച്ചെണ്ണ, ചെറുനാരങ്ങാനീര്, തേന്‍

വെളിച്ചെണ്ണ, ചെറുനാരങ്ങാനീര്, തേന്‍ എന്നിവ തുല്യഅളവില്‍ യോജിപ്പിച്ചാലും നല്ലൊന്നാന്തരം മോയിസ്ചറൈസറാകും. ഇതും ചര്‍മത്തില്‍ തേച്ച് അല്‍പം കഴിയുമ്പോള്‍ കഴുകിക്കളയാം.

ആപ്പിള്‍

ആപ്പിള്‍ നല്ലപോലെ ഉടയ്ക്കുക. ഇതിലേക്ക് അല്‍പം ഒലീവ് ഓയില്‍ ചേര്‍ക്കാം. ഇതും നല്ലൊന്നാന്തരം മോയിസ്ചറൈസര്‍ തന്നെയാണ്.

വാള്‍നട്ട്

വാള്‍നട്ട് പൊടിയ്ക്കുക. ഇതിലേക്ക് തൈരോ പാല്‍പാടയോ ചേര്‍ക്കുക. ഇത് ചര്‍മത്തില്‍ പുരട്ടി അല്‍പം കഴിയുമ്പോള്‍ കഴുകിക്കളയാം.

മോയിസ്ചറൈസറുകള്‍

ഇത്തരം മോയിസ്ചറൈസറുകള്‍ പരീക്ഷിച്ചു നോക്കൂ, ചര്‍മത്തിലുണ്ടാകുന്ന വ്യത്യാസങ്ങള്‍ അനുഭവിച്ചറിയാം.