ചര്‍മ്മകാന്തി നല്കും ഔഷധ സസ്യങ്ങള്‍

1. ആര്യവേപ്പ്‌

ചര്‍മ്മത്തിന് തിളക്കം നല്കുന്നതിന് മികച്ച കഴിവുള്ള ഒന്നാണ് ആര്യവേപ്പിന്‍റെ ഇല. ഉണക്കിപ്പൊടിച്ച ആര്യവേപ്പിലയും റോസാപ്പൂവിന്‍റെ ഇതളുകളും, നാരങ്ങനീരുമായി ചേര്‍ത്ത് കുഴമ്പ് പരുവത്തിലാക്കി തേച്ചാല്‍ മികച്ച ചര്‍മ്മകാന്തി ലഭിക്കും.

2. അവൊക്കാഡൊ

അവൊക്കാഡോ അഥവാ ബട്ടര്‍ ഫ്രൂട്ട് ഉപയോഗിച്ച് ചര്‍മ്മത്തിന് സ്വഭാവിക തിളക്കം നല്കാനും വരള്‍ച്ചയും പ്രശ്നങ്ങളും പരിഹരിക്കാനും സാധിക്കും. പ്രോട്ടീന്‍ ധാരാളമായി അടങ്ങിയ അവൊക്കാഡോ ഉപയോഗിച്ചാല്‍ ചര്‍മ്മത്തിന്‍റെ തകരാറുകള്‍ എളുപ്പത്തില്‍ പരിഹരിക്കാനാവും.

3. ചന്ദനം

പല സൗന്ദര്യസംരക്ഷണ ഔഷധങ്ങളുടെയും, ചര്‍മ്മ സംരക്ഷണ ഔഷധങ്ങളുടെയും പ്രധാന ചേരുവയാണ് ചന്ദനം. മുഖക്കുരു, പാടുകള്‍, തുടങ്ങിയവയൊക്കെ ഭേദമാക്കാന്‍ ചന്ദനത്തിന് അതുല്യമായ കഴിവാണുള്ളത്. ചന്ദനം ചര്‍മ്മത്തില്‍ തേക്കുക വഴി വേദനയ്ക്കും ആശ്വാസം ലഭിക്കും.

4. മഞ്ഞള്‍

പ്രകതിദത്തമായ സൗന്ദര്യസംരക്ഷണത്തില്‍ മഞ്ഞളിന് പ്രമുഖ സ്ഥാനമാണുള്ളത്. ഫംഗസിനെ തുരത്താനും, ചര്‍മ്മം തണുപ്പിക്കാനും മ‍ഞ്ഞളിന് കഴിവുണ്ട്. മുഖക്കുരു ഭേദമാക്കാനും ചര്‍മ്മത്തിന് കൂടുതല്‍ നിറം ലഭിക്കാനും മഞ്ഞള്‍ ഫലപ്രദമാണ്.

5. കറ്റാര്‍വാഴ

ചര്‍മ്മത്തിന് തിളക്കവും ആരോഗ്യവും നല്കാന്‍ ഏറെ ഫലപ്രദമാണ് കറ്റാര്‍വാഴ. ചൂട് കുറയ്ക്കാനും, രോഗശമനത്തിനുമുള്ള കറ്റാര്‍ വാഴയുടെ കഴിവ് ചര്‍മ്മത്തിന്‍റെ പുറം പാളിയില്‍ സമര്‍ത്ഥമായി പ്രവര്‍ത്തിക്കും. ചര്‍മ്മത്തിന് തണുപ്പ് നല്കാനും കറ്റാര്‍വാഴക്ക് കഴിവുണ്ട്.

6. ബദാം ഇല

ബദാമിന്‍റെ ഇലയില്‍ നിന്നെടുക്കുന്ന എണ്ണ ചര്‍മ്മത്തിന് തിളക്കവും ആരോഗ്യവും നല്കും. ബദാം ഇലയ്ക്ക് ചര്‍മ്മത്തി്ല്‍ നനവ് നിലനിര്‍ത്താനുള്ള കഴിവുണ്ട്. ശൈത്യകാലത്ത് ചര്‍മ്മത്തില്‍ ഉപയോഗിക്കാനുള്ള ക്രീമുകളും മറ്റും തയ്യാറാക്കാന്‍ ഇത് ഉപയോഗിക്കപ്പെടുന്നുണ്ട്.

7. ചമോമൈല്‍

ചര്‍മ്മസംരക്ഷണത്തിന് സഹായിക്കുന്ന ഒന്നാണ് യൂറോപ്യന്‍ രാജ്യങ്ങളിലുള്ള ജമന്തിപ്പൂവ്. ഇതിലെ ആല്‍ഫ ബിസാബോളോ എന്ന ഘടകം ചര്‍മ്മത്തിലെ ചുളിവുകളും പാടുകളും മാറ്റാന്‍ കഴിവുള്ളതാണ്.

8. വിച്ച് ഹാസെല്‍

വിച്ച് ഹാസെല്‍ ഉപയോഗിച്ചാല്‍ സീബത്തിന്‍റെ ഉത്പാദനം കുറച്ച് ചര്‍മ്മത്തിലെ എണ്ണമയം നിയന്ത്രിക്കാനും, വൃത്തിയാക്കാനും സാധിക്കും. തികച്ചും പ്രകൃതിദത്തമായ വിച്ച് ഹാസെല്‍ ചര്‍മ്മത്തിലെ ചൂട് കുറയ്ക്കാനും ചുവന്ന പാടുകള്‍ കുറയ്ക്കാനും ഫലപ്രദമാണ്.

9. തുളസി

തുളസിയിലയിലെ ശക്തിയേറിയ ഘടകങ്ങള്‍ മുഖക്കുരു, കറുത്ത പാടുകള്‍ എന്നിവ നീക്കാന്‍ സഹായിക്കും.