പാടുകള്‍ നീക്കാന്‍ പഴസത്ത്

1. തക്കാളി

ചര്‍മ്മത്തിലെ പാടുകള്‍ നീക്കാന്‍ ഏറെ ഫലപ്രദമാണ് തക്കാളി. തക്കാളിയുടെ നീരെടുത്ത് അത് പാടുകളില്‍ തേക്കുക. 10-15 മിനുട്ടിന് ശേഷം ഇത് കഴുകിക്കളയാം. ചര്‍മ്മത്തിന് മൃദുലത നല്കാനും പാടുകള്‍ നീക്കാനും തക്കാളിക്ക് കഴിവുണ്ട്. തക്കാളി സ്ഥിരമായി ഉപയോഗിക്കുന്നത് ചര്‍മ്മത്തിന് ഏറെ നല്ലതാണ്. ചര്‍മ്മത്തിലെ പാടുകള്‍ മാറ്റാന്‍ മാത്രമല്ല ഭംഗിയും ആരോഗ്യം നല്കാനും തക്കാളി നല്ലതാണ്.

2. നാരങ്ങ

പല ശാരീരിക പ്രശ്നങ്ങള്‍ക്കും പരിഹാരം നല്കുന്നതാണ് നാരങ്ങ. ചര്‍മ്മത്തിന് തിളക്കം നല്കാന്‍ സഹായിക്കുന്ന ബ്ലീച്ചിംഗ് ഘടകങ്ങള്‍ നാരങ്ങനീരിലുണ്ട്. നാരങ്ങ നീര് നേരിട്ട് ഉപയോഗിക്കുകയോ, ഫേസ്പാക്കിലോ ഫേസ് മാസ്ക്കിലോ ചേര്‍ത്തോ ഉപയോഗിക്കാം. ആസിഡ് സ്വഭാവമുള്ള നാരങ്ങനീര് ഉള്ളം കൈയ്യില്‍ ഉപയോഗിച്ച് നോക്കിയ ശേഷം വേണം പാടുകളില്‍ പുരട്ടാന്‍.

3. ഓറഞ്ച്

ചര്‍മ്മത്തിന് ഗുണകരമായ പോഷകങ്ങള്‍ ഓറ‍ഞ്ചിലടങ്ങിയിട്ടുണ്ട്. ഓറഞ്ച് ജ്യൂസ് പാടുകളില്‍ തേക്കുന്നത് അവ മാറാനും ചര്‍മ്മകാന്തി വീണ്ടെടുക്കാനും സഹായിക്കും. ഓറഞ്ച് നീര് ചര്‍മ്മത്തില്‍ തേച്ച് 10-15 മിനുട്ടിന് ശേഷം ചെറുചൂടുള്ള വെള്ളത്തില്‍ കഴുകുക.

4. സ്ട്രോബെറി

പാടുകള്‍ക്ക് ചുറ്റുമുള്ള കട്ടികൂടിയ ഭാഗത്ത് സ്ട്രോബെറി ജ്യൂസ് തേക്കാം. എന്നാല്‍ മറ്റ് ജ്യൂസുകളെ അപേക്ഷിച്ച് ഇതിന് ഫലം കുറവായിരിക്കും. ചര്‍മ്മത്തിലെ പാടുകള്‍ മങ്ങാനും ശോഭയും മൃദുത്വവും ലഭിക്കാനും സ്ട്രോബെറി ജ്യൂസ് സഹായിക്കും.

5. തണ്ണിമത്തങ്ങ

വേനല്‍ക്കാലത്ത് ശരീരം തണുപ്പിക്കാന്‍ മാത്രമല്ല ചര്‍മ്മ സംബന്ധമായ പ്രശ്നങ്ങള്‍ക്കും മികച്ച ഫലം നല്കുന്നതാണ് തണ്ണിമത്തങ്ങ. ധാരാളം വെള്ളം അടങ്ങിയിരിക്കുന്ന തണ്ണിമത്തങ്ങയുടെ നീര് ചര്‍മ്മത്തില്‍ തേച്ച് ഏതാനും മിനുട്ട്കഴിഞ്ഞ് കഴുകി വൃത്തിയാക്കാം. ചര്‍മ്മത്തിലെ പാടുകള്‍ മങ്ങാനും നീക്കം ചെയ്യാനും തണ്ണിമത്തങ്ങ സഹായിക്കും.

ചര്‍മ്മത്തിലെ പാടുകള്‍ നീക്കം ചെയ്യാന്‍ സഹായിക്കുന്ന ഏതാനും ഫലങ്ങളാണിവിടെ പ്രതിപാദിച്ചത്. ഇഞ്ചി, ഉള്ളി, ഉരുളക്കിഴങ്ങ് തുടങ്ങിയവയുടെ നീരും ഇക്കാര്യത്തിന് ഫലപ്രദമാണ്. ചര്‍മ്മത്തിലെ നിറഭേദങ്ങളും പാടുകളും നിങ്ങള്‍ക്ക് പലപ്പോഴും അപമാനകരമായി തോന്നാം. അല്പം സഹിഷ്ണുതയും അര്‍പ്പണബുദ്ധിയും കാണിച്ചാല്‍ പ്രകൃതിദത്തമായ രീതിയില്‍ തന്നെ അവ നീക്കം ചെയ്യാനാവും.