ചര്‍മ്മകാന്തി നല്കുന്ന സുഗന്ധദ്രവ്യങ്ങള്‍

1. ബദാം ഓയില്‍

ഉണങ്ങിയ ബദാം പരിപ്പില്‍ നിന്നെടുക്കുന്ന ബദാം ഓയില്‍ ചര്‍മ്മസംരക്ഷണത്തിന് ഉത്തമമാണ്. ചര്‍മ്മത്തിന് ജലാശം നല്കാനും, പുതുമപകരാനും ഇതിന് കഴിയും. എളുപ്പത്തില്‍ ചര്‍മ്മത്തിലേക്ക് വലിച്ചെടുത്ത് തിളക്കം നല്കാനും, വരണ്ടതും, ചൊറിച്ചിലുള്ളതുമായ ചര്‍മ്മത്തെ സുഖപ്പെടുത്താനും ഇതിന് കഴിവുണ്ട്.

2. ആര്‍ഗന്‍ ഓയില്‍

വിലയേറിയ ഒരു സുഗന്ധദ്രവ്യമാണിത്. മുഖ ചര്‍മ്മത്തിലെ പാടുകളും ചുളിവുകളും നീക്കാനുള്ള കഴിവ് ഇതിനുണ്ട്. ചര്‍മ്മത്തില്‍ പൊള്ളലേറ്റ പാടുകളും, മറ്റ് കലകളും മാറ്റാന്‍ ഇത് ഉപയോഗിക്കാം. ഇതിലെല്ലാമുപരിയായി ഇതിലടങ്ങിയ ആന്‍റി ഓക്സിഡന്‍റുകള്‍ ശരീരത്തിലെ ദോഷകരമായ സ്വതന്ത്രമൂലകങ്ങളെ ഇല്ലായ്മചെയ്യാനും കഴിവുള്ളതാണ്.

3. ബബാസ്സു ഓയില്‍

ബ്രസീലിലെ ബബാസ്സു എന്നയിനം പനയില്‍ നിന്ന് നിര്‍മ്മിക്കുന്നതാണിത്. ഏറെ സവിശേഷതകളുള്ള ഈ ഓയില്‍ ചര്‍മ്മത്തിന് തിളക്കം നല്കും.വരണ്ടതും, ചൊറിച്ചിലുള്ളതുമായ ചര്‍മ്മത്തിന് നനവ് നല്കാന്‍ ഇത് ഉത്തമമാണ്. തലമുടി സംരക്ഷണത്തിനും ഇത് ഉപയോഗിച്ചുവരുന്നു.

4. ആവണക്കെണ്ണ

ഫാറ്റി ആസിഡുകള്‍ അടങ്ങിയ ആവണക്കെണ്ണ എളുപ്പത്തില്‍ ചര്‍മ്മത്തിലേക്ക് ആഗിരണം ചെയ്യുന്നതാണ്. ഇത് ചര്‍മ്മത്തെ നനവുള്ളതാക്കുകയും ജലാംശം നിലനിര്‍ത്തുകയും ചെയ്യും. തലമുടിവളര്‍ച്ചക്കും ഇത് ഉത്തമമമാണ്.

5. വെളിച്ചെണ്ണ

ചര്‍മ്മസംരക്ഷണത്തിന് ഏറ്റവും അധികം ഉപയോഗിക്കപ്പെടുന്നതാണ് വെളിച്ചെണ്ണ. കാലങ്ങളായി മുടിവളര്‍ച്ചക്കും, ചര്‍മ്മപരിപാലനത്തിനും വെളിച്ചെണ്ണ ഉപയോഗിച്ചുവരുന്നു. ചര്‍മ്മത്തിന് മൃദുത്വവും, മിനുസവും ലഭിക്കാന്‍ ഇത് ഗുണകരമാണ്.

6. ജൊജോബ ഓയില്‍

ചര്‍മ്മസംരക്ഷണത്തിന് ഏറെ പ്രധാനപ്പെട്ട ഒന്നാണ് ജൊജോബ. ദ്രവരൂപത്തിലുള്ള മെഴുക് പോലെയാണ് ഇത്. ചര്‍മ്മത്തിലേക്ക് ആഴ്ന്നിറങ്ങാന്‍ കഴിവുള്ള ജൊജോബ തണുപ്പ് നല്കാന്‍ സഹായിക്കും. ഇതുപയോഗിച്ചാല്‍ ചര്‍മ്മത്തിന് തിളക്കവും ലഭിക്കും.

7. വേപ്പെണ്ണ

ബാക്ടീരിയകളെ തുരത്താന്‍ കഴിവുള്ള വേപ്പെണ്ണ ഔഷധമായും ഉപയോഗിച്ചുവരുന്നു. ആയുര്‍വേദത്തില്‍ ചര്‍മ്മ പരിചരണത്തിന് ഉപയോഗിക്കുന്ന ഒരു പ്രധാന എണ്ണയാണിത്. സോറിയാസിസ്, കരപ്പന്‍, മുഖക്കുരു തുടങ്ങിയ രോഗങ്ങള്‍ക്ക് ഇത് ഫലപ്രദമാണ്.

8. ഒലിവെണ്ണ

ചര്‍മ്മത്തിന്‍റെ നനവ് നഷ്ടപ്പെട്ട് പോകുന്നതിനെ തടയാന്‍ ഒലിവെണ്ണക്ക് കഴിവുണ്ട്. ചര്‍മ്മത്തിന് മൃദുത്വവും, മിനുസവും, തിളക്കവും നല്കാന്‍ ഇത് സഹായിക്കും. ഇതുപയോഗിക്കുക വഴി പ്രായക്കുറവ് തോന്നാന്‍ സഹായിക്കും. തലമുടി പരിചരണത്തിനും ഒലിവെണ്ണ ഉപയോഗിക്കുന്നുണ്ട്.

9. മുന്തിരിക്കുരു എണ്ണ

ചര്‍മ്മത്തിന് ഒട്ടല്‍ പോലെ തോന്നുന്നുണ്ടെങ്കില്‍ അതിന് പരിഹാരമാണ് മുന്തിരക്കുരു എണ്ണ. എളുപ്പത്തില്‍ ഇത് ചര്‍മ്മത്തിലേക്ക് ആഗിരണം ചെയ്യപ്പെടും. ചര്‍മ്മത്തിന് തിളക്കം നല്കാനും ഇത് ഫലപ്രദമാണ്.

10. കാരറ്റ് ഓയില്‍

കാരറ്റിന്‍റെ വേരില്‍ നിന്നെടുക്കുന്ന എണ്ണ സൂര്യപ്രകാശമേറ്റ് ചര്‍മ്മത്തിനുണ്ടാകുന്ന തകരാറ് പരിഹരിക്കാന്‍ കഴിവുള്ളതാണ്. ചര്‍മ്മത്തിലെ തകരാറുകള്‍ പരിഹരിക്കാനും തലമുടി വളരാനും ഇത് ഉത്തമമാണ്.