വരണ്ട ചര്‍മത്തിന് ചേരും ഫേസ്പായ്ക്കുകള്‍

ബട്ടര്‍ ഫ്രൂട്ട്

ബട്ടര്‍ ഫ്രൂട്ട് അഥവാ അവോക്കാഡോ വരണ്ട ചര്‍മത്തിനു ചേര്‍ന്ന നല്ലൊന്നാന്തരം ഫേസ്പായക്കാണ്. ഇതുടച്ച് ഒലീവ് ഓയിലുമായി ചേര്‍ത്ത് ഉപയോഗിക്കാം.

പാല്‍, തേന്‍

പാല്‍, തേന്‍ എന്നിവ കലര്‍ത്തി പുരട്ടുന്നതും വരണ്ട ചര്‍മത്തിനുള്ള നല്ലൊരു പരിഹാരമാണ്.

മുട്ടവെള്ള

മുട്ടവെള്ള മുഖത്തു പുരട്ടുക. ഉണങ്ങിക്കഴിയുമ്പോള്‍ കഴുകിക്കളയാം. ചര്‍മത്തിലെ വരള്‍ച്ച മാറ്റുവാന്‍ മാത്രമല്ല, മൃദുവായ ചര്‍മത്തിനും ഇത് ഗുണം ചെയ്യും.

പഴം

പഴം ഉപയോഗിച്ചുള്ള ഫേസ് പായ്ക്ക് വരണ്ട ചര്‍മത്തിനുള്ള നല്ലൊരു പരിഹാരമാണ്. പഴം നല്ലപോലെ ഉടച്ച് തൈര്, തേന്‍ എന്നിവ ചേര്‍ത്തു പുരട്ടാം.

ഓട്‌സ, തേന്‍, തൈര്

ഓട്‌സ, തേന്‍, തൈര് എന്നിവ കലര്‍ത്തി മുഖത്തു പുരട്ടുക. വേണമെങ്കില്‍ അല്‍പം ഗ്ലിസറിനും ചേര്‍ക്കാം. വരണ്ട ചര്‍മത്തിനു പറ്റിയ നല്ലൊന്നാന്തരം പരിഹാരമാണിത്.

പപ്പായ

പപ്പായ ഉടച്ച് പാലുമായി ചേര്‍ത്ത് പുരട്ടുന്നത് വരണ്ട ചര്‍മത്തിനുള്ള മറ്റൊരു പരിഹാരമാണ്. ഇത് ചര്‍മത്തിന് ഈര്‍പ്പം നല്‍കാനും ചര്‍മത്തിന് ഉറപ്പു നല്‍കാനും സഹായിക്കും.

ഗ്ലിസറിന്‍

ഗ്ലിസറിന്‍ ഫേ്‌സ് പായ്ക്കുകളില്‍ ചേര്‍ത്തു പുരട്ടുന്നത് വരണ്ട ചര്‍മത്തിനുള്ള ഒരു പരിഹാരമാണ്. ഇതല്ലാതെ, ഗ്ലിസറിന്‍, പനിനീര് എന്നിവ ചേര്‍്ത്തു പുരട്ടുന്നതും ഗുണം ചെയ്യും.

ഓറഞ്ച്‌തൊലി

ഓറഞ്ച്‌തൊലി ഉണക്കിപ്പൊടിയ്ക്കുക. ഇതില്‍ പാല്‍, തേന്‍ എന്നിവ കലര്‍ത്തി മുഖത്തു പുരട്ടാം. ഇത് വരണ്ട ചര്‍മത്തിനുള്ള നല്ലൊരു പരിഹാരമാണ്.

പനിനീര്, തേന്‍

പനിനീര്, തേന്‍ എന്നിവ കലര്‍ത്തി മുഖത്തു പുരട്ടുന്നതും നല്ലതു തന്നെ.

കൊക്കോ പൗഡര്‍

കൊക്കോ പൗഡര്‍ തേനുമായി ചേര്‍ത്ത് മുഖത്തു പുരട്ടുന്നത് ഗുണം ചെയ്യും. ഇത് മുഖത്തു പുരട്ടി 10 മിനിറ്റു കഴിയുമ്പോള്‍ കഴുകിക്കളയൂുക.

കടലമാവ്, തൈര്

കടലമാവ്, തൈര് എന്നിവ കലര്‍ത്തി മുഖത്തു പുരട്ടുന്നതും ചര്‍മം വരളാതിരിയ്ക്കുവാന്‍ സഹായിക്കും.

പാല്‍പ്പൊടി, ബദാം ഓയില്‍, പനിനീര്

പാല്‍പ്പൊടി, ബദാം ഓയില്‍, പനിനീര് എന്നിവ കലര്‍ത്തി മുഖത്തു പുരട്ടുന്നതും വരണ്ട ചര്‍മത്തിനുള്ള ഒരു പരിഹാരം തന്നെയാണ്. മുഖത്തിനു തിളക്കം നല്‍കാനും ഈ ഫേസ് പായ്ക്ക് സഹായിക്കും.