സൗന്ദര്യത്തെക്കുറിച്ചും തെറ്റിദ്ധാരണകള്‍

നരച്ച മുടി പറിച്ചെടുത്താല്‍ നരക്കും

നരച്ച മുടി പറിച്ചെടുത്താല്‍ നരക്കും .മുടികളില്‍ നര പ്രത്യക്ഷപ്പെട്ടാല്‍ സാധാരണ കേള്‍ക്കുന്ന ഒരു വാചകമാണിത്. നരച്ച മുടി പറിച്ചെടുത്താല്‍ കൂടുതല്‍ മുടികള്‍ നരക്കുമെന്നത് തികച്ചും തെറ്റായ ധാരണയാണ്. തലയില്‍ കുറഞ്ഞ അളവില്‍ മാത്രമേ രോമകൂപങ്ങള്‍ ഉള്ളൂവെന്നതിനാല്‍ മുടി പറിച്ചെടുത്താലും ഇല്ലെങ്കിലും പ്രായമാകല്‍ അതിൻറെ വഴിക്ക് തുടരും.

രോമം

റേസര്‍ ഉപയോഗിച്ച് ഷേവ് ചെയ്താല്‍ രോമം കട്ടിയായി വളരും -തൊലിയുടെ അടിയിലുള്ള രോമകൂപങ്ങള്‍ക്കനുസരിച്ചാണ് മുടിയുടെയും രോമത്തി ൻറെയും

വളര്‍ച്ച. റേസര്‍ ഇവയെ സ്പര്‍ശിക്കുന്നില്ല എന്നതാണ് വസ്തുത. ഷേവ് ചെയ്യുമ്പോള്‍ ശേഷിക്കുന്ന കുറ്റിമുടികള്‍ വളര്‍ച്ച പ്രാപിക്കുന്നതിനാല്‍ തുടര്‍ന്നുള്ള ദിവസങ്ങളില്‍ സാധാരണ കൂടുതല്‍ രോമവളര്‍ച്ച തോന്നിപ്പിക്കും.

എണ്ണ മയമുള്ള തൊലിക്ക് ജലാംശം ആവശ്യമില്ല

തൊലിയും മുടിയും ആരോഗ്യത്തോടെയിരിക്കാന്‍ ശരീരം പുറപ്പെടുവിക്കുന്ന സ്രവങ്ങള്‍ നിമിത്തമാണ് തൊലി എണ്ണമയമുള്ളതാകുന്നത്. ഈ എണ്ണ അടിഞ്ഞ് രോമങ്ങള്‍ക്കിടയിലെ ചെറുദ്വാരങ്ങള്‍ അടയാന്‍ സാധ്യതയുണ്ട്. ഇത് ഒരു മോയിസ്ചറൈസര്‍ ഉപയോഗിച്ച് ശരിയാക്കിയെടുക്കണം. കൂടുതലായി എണ്ണ മയമുള്ള തൊലിയാണ് നിങ്ങള്‍ക്കെങ്കില്‍ ഓയില്‍ ഫ്രീ മോയിസ്ചറൈസര്‍ ഉപയോഗിക്കുക.

ടു ഇന്‍ വണ്‍ ഷാമ്പൂ

മുടി ഷാമ്പൂ ചെയ്യലും കണ്ടീഷന്‍ ചെയ്യലും രണ്ടും രണ്ടാണ്. ഷാമ്പൂ മുടി വൃത്തിയാക്കുമ്പോള്‍ കണ്ടീഷനര്‍ മുടി മൃദുവാക്കുകയാണ് ചെയ്യുക. ഇത് രണ്ടിനും കൂടി ഒരൊറ്റ ഷാമ്പൂ എന്ന രീതിയില്‍ മാര്‍ക്കറ്റിലത്തെുന്ന ഉല്‍പ്പന്നങ്ങള്‍ തട്ടിപ്പാണെന്ന് തന്നെ പറയാം. നല്ല രീതിയില്‍ മുടി വളരണമെങ്കില്‍ ഷാമ്പൂവും കണ്ടീഷനറും പ്രത്യേകം ഉപയോഗിക്കുക.

മീനും പാലുല്‍പ്പന്നങ്ങളും ഒരുമിച്ച് കഴിച്ചാല്‍

- മീനും പാലുല്‍പ്പന്നങ്ങളും ഒരുമിച്ച് കഴിച്ചാല്‍ തൊലിയില്‍ അടയാളമുണ്ടാകും.മെലാനിന്‍ ഉല്‍പ്പാദിപ്പിക്കുന്ന കോശങ്ങളുടെ നാശം മൂലമാണ് തൊലിയില്‍ പാടുകള്‍ ഉണ്ടാകുന്നത്. വിറ്റിലിഗോ എന്ന് അറിയപ്പെടുന്ന ഈ അവസ്ഥക്ക് മീനുമായോ പാലുല്‍പ്പന്നങ്ങളുമായോ യാതൊരു ബന്ധവുമില്ല.