Click it and Unblock the Notifications
Latest Updates
-
വിജയദശമി 2026: വിദ്യാരംഭത്തിനും ശുഭകാര്യങ്ങൾക്കും കേരളത്തിലെ പ്രധാന നഗരങ്ങളിലെ കൃത്യമായ മുഹൂർത്തങ്ങൾ ഇതാ -
ദസറ അവധി: ഇന്ന്‌ ബാങ്കുകൾക്ക് അവധി; ഡിജിറ്റൽ ഇടപാടുകൾ തടസ്സപ്പെടുമോ? അറിയേണ്ടതെല്ലാം -
വിജയാദശമിയിൽ രാജയോഗം: ആപ്പുകളില്ലാതെ സ്വന്തം ജാതകം പരിശോധിക്കാം, ഈ ലളിത വഴികൾ പരീക്ഷിക്കൂ -
ഡൽഹിയിൽ വായുമലിനീകരണം കൂടുന്നു; യാത്രക്കാർ ചർമ്മവും കണ്ണും സംരക്ഷിക്കാൻ ഈ മുൻകരുതലുകൾ മറക്കരുത് -
വിജയദശമിയിൽ ചൂല് മാറ്റാൻ ഒരുങ്ങുകയാണോ? വാസ്തു പ്രകാരം ഐശ്വര്യത്തിന് ശ്രദ്ധിക്കേണ്ട കാര്യങ്ങൾ ഇതാ -
വിദ്യാരംഭം: കുട്ടികളുടെ പഠനമുറി വാസ്തുപ്രകാരം ഒരുക്കാം; വീട്ടിൽ ഐശ്വര്യം നിറയ്ക്കാൻ ഈ കാര്യങ്ങൾ മറക്കരുത് -
വിജയദശമി രാത്രിയിലെ ഗജകേസരിയോഗം: ഈ രാശിക്കാർക്ക് നേട്ടങ്ങളുടെ സമയമോ? അറിയേണ്ടതെല്ലാം -
തുലാ രാശിയിൽ അപൂർവ്വ ബുധാദിത്യ യോഗം: ഇന്നത്തെ ദിവസം പേപ്പർവർക്കുകൾക്കും ബുക്കിംഗുകൾക്കും എന്ത് പ്രത്യേകത? -
രാവണ ദഹനം: പുകയേറ്റ് കണ്ണും ചർമ്മവും തകരാതിരിക്കാൻ ഈ മുൻകരുതലുകൾ മറക്കരുത് -
കേരളത്തിൽ കനത്ത മഴ: 7 ജില്ലകളിൽ യെല്ലോ അലർട്ട്, യാത്രക്കാർക്ക് ജാഗ്രതാ നിർദേശം
കോസ്‌മെറ്റിക് സര്‍ജറി, ചില മുന്‍കരുതലുകള്‍
യുവത്വവും സൗന്ദര്യവും നിലനിര്‍ത്താനുള്ള എളുപ്പ വഴിയായി സൗന്ദര്യവര്‍ധക ശസ്‌ത്രക്രിയയെ ആളുകള്‍ കണ്ടു തുടങ്ങിയിരിക്കുകയാണ്‌. അസാധ്യമെന്ന്‌ കരുതിയിരുന്നതെല്ലാം ഇന്ന്‌ സാധ്യമായി തുടങ്ങിയിരിക്കുന്നു. ചര്‍മ്മത്തെ പ്രായം ബാധിക്കുന്നത്‌ തടഞ്ഞ്‌ യൗവനം തിരിച്ചു പിടിക്കാനുള്ള മാര്‍ഗ്ഗങ്ങളിന്നുണ്ട്‌. ചര്‍മ്മകാന്തിയ്‌ക്ക്‌ മാത്രമല്ല ഭാരം കുറയ്‌ക്കാനും സൗന്ദര്യവര്‍ധക ശസ്‌ത്രക്രിയകള്‍ ചെയ്യുന്നവരുണ്ട്‌.
മുഖം, ചര്‍മ്മം, ചുണ്ട്‌ തുടങ്ങി ശരീരത്തിന്റെ വിവിധ ഭാഗങ്ങളുടെ അഭംഗി മാറ്റി ആകര്‍ഷകമാക്കുന്നതിനായി ശസ്‌ത്രക്രിയകള്‍ നടത്തുമ്പോള്‍ ആരോഗ്യത്തെ ബാധിക്കാതിരിക്കാന്‍ ശ്രദ്ധിക്കണം. സൗന്ദര്യവര്‍ധക ശസ്‌ത്രക്രിയയ്‌ക്ക്‌ മുമ്പും ശേഷവും മുന്‍കരുതലുകള്‍ എടുക്കേണ്ടത്‌ ആവശ്യമാണ്‌.
സൗന്ദര്യവര്‍ധക ശസ്‌ത്രക്രിയയ്‌ക്ക്‌ മുമ്പും ശേഷവും എടുക്കേണ്ട മുന്‍കരുതലുകള്‍ എന്തെല്ലാമാണന്ന്‌ കെയര്‍വെല്‍ മെഡിക്കള്‍ സെന്ററിലെ ഡോ.സന്ദീപ്‌ ഭാസിന്‍ പങ്കുവയ്‌ക്കുന്നു .
സൗന്ദര്യവര്‍ധക വസ്‌തുക്കള്‍ ഉപയോഗിക്കരുത്‌
ശസ്‌ത്രക്രിയയ്‌ക്ക്‌ ശേഷം സൗന്ദര്യവര്‍ധക വസ്‌തുകള്‍ ഉപയോഗിക്കുന്നത്‌ അലര്‍ജിക്കും അണുബാധയ്‌ക്കും കാരണമാകും. ശസ്‌ത്രക്രിയ ചെയ്‌ത ഭാഗം വൃത്തിയായി സൂക്ഷിക്കുക. നിര്‍ദ്ദേശിച്ചിരിക്കുന്ന മരുന്നും വെള്ളവുമുപയോഗിച്ച്‌ മാത്രം കഴുകുക.
വീടിനകത്തിരിക്കുക
ശസ്‌ത്രക്രിയയ്‌ക്ക്‌ ശേഷം സൂര്യപ്രകാശം ഏല്‍ക്കുന്നത്‌ പരമാവധി ഒഴിവാക്കുക. ശസ്‌ത്രക്രിയയ്‌ക്ക്‌ ശേഷം തുന്നലിട്ട ഭാഗത്ത്‌ അള്‍ട്രാ വയലറ്റ്‌ രശ്‌മികള്‍ പതിക്കുന്നത്‌ അപകടകരമാണ്‌. സണ്‍സ്‌ക്രീനുകള്‍ ഉപയോഗിക്കുന്നതു കൊണ്ട്‌ ഫലം ഉണ്ടാകില്ല. തുന്നല്‍ നീക്കുന്നത്‌ വരെ ഡോക്‌ടര്‍ നിര്‍ദ്ദേശിച്ചിരിക്കുന്ന ആന്റിബയോട്ടിക്കുകളും മരുന്നുകളും ഉപയോഗിക്കുക.
ആരോഗ്യകരമായ ഭക്ഷണ ക്രമം
ആന്റിബയോട്ടിക്കുകള്‍ ചിലപ്പോള്‍ വയറ്റില്‍ വായുവിന്റെ പ്രശ്‌ന ഉണ്ടാക്കും. പഴങ്ങള്‍, പാല്‍, ലളിതമായ ആഹാരങ്ങള്‍ എന്നിവ ഉള്‍പ്പെടുത്തി ശരിയായ ഭക്ഷണക്രമം പാലിക്കുക. മുഖത്താണ്‌ ശസ്‌ത്രക്രിയ ചെയ്‌തതെങ്കില്‍ ദ്രാവക രൂപത്തിലുള്ള ആഹാരങ്ങള്‍ കഴിക്കുന്നതായിരിക്കും നല്ലത്‌. പൂര്‍ണമായും ഭേദമാകുന്നത്‌ വരെ പുകവലിയും മദ്യപാനവും ഒഴിവാക്കണം. ശസ്‌ത്രക്രിയയ്‌ക്ക്‌ മുമ്പും ഇവ ഒഴിവാക്കുന്നത്‌ നല്ലതാണ്‌.
മരുന്നുകള്‍ ഒഴിവാക്കുക
രക്തം കട്ടപിടിക്കാന്‍ പ്രയാസമാകുമെന്നതിനാല്‍ മരുന്നുകളും പോഷകപൂരകങ്ങളും ഈ സമയത്ത്‌ ഒഴിവാക്കുന്നതാണ്‌ ഉചിതം. ശസ്‌ത്രക്രിയ തുടങ്ങുന്നതിന്‌ മുമ്പ്‌ നല്ല പ്രതിരോധ ശേഷി ഉണ്ടായിരിക്കണം. ഡോക്‌ടറുടെ നിര്‍ദ്ദേശമില്ലാതെ പോഷകപൂരകങ്ങള്‍ കഴിക്കുന്നത്‌ ദോഷകരമാകും.
കറ്റാര്‍വാഴ നീര്‌
ഔഷധഗുണമുള്ള കറ്റാര്‍വാഴയുടെ നീര്‌ കുടിക്കുന്നത്‌ അകത്തെ മുറിവുകള്‍ പെട്ടന്നുണങ്ങുന്നതിനും ചര്‍മ്മം നന്നാകുന്നതിനും സഹായിക്കും. ശസ്‌ത്രക്രിയകള്‍ പ്രത്യേകിച്ച്‌ മുഖത്ത്‌ നടത്തുന്നത്‌ ചര്‍മ്മത്തിന്റെ തിളക്കം നഷ്‌ടപെടുത്താറുണ്ട്‌. കറ്റാര്‍വാഴ ഈ തിളക്കം തിരിച്ചു നല്‍കും. എന്നാല്‍, ഡോക്‌ടറുടെ നിര്‍ദ്ദേശപ്രകാരം മാത്രമെ ഇത്‌ കഴിക്കാവു.
നല്ല ഡോക്‌ടറെ സമീപിക്കുക
ശസ്‌ത്രക്രിയക്ക്‌ ഡോക്‌ടെറെ തീരുമാനിക്കുന്നതിന്‌ മുമ്പ്‌ അദ്ദേഹത്തിന്റെ കഴിവുകളും ഏത്‌ മേഖലയിലാണ്‌ പരിചയസമ്പത്തെന്നതും മനസ്സിലാക്കുന്നത്‌ നല്ലതാണ്‌. ഏത്‌ ഭാഗമാണോ ശസ്‌ത്രക്രിയ ചെയ്യേണ്ടത്‌ അതില്‍ പ്രാവിണ്യമുള്ളവരെ സമീപിക്കുക. ശസ്‌ത്രക്രിയയ്‌ക്ക്‌ വേണ്ട നടപടികള്‍ തുടങ്ങുമുമ്പ്‌ സ്വന്തം അസുഖങ്ങളെ കുറിച്ചും കഴിക്കുന്ന മരുന്നുകളെ കുറിച്ചും ഡോക്‌ടറോട്‌ സംസാരിക്കണം.
Continue with Google
