സണ്‍സ്‌ക്രീന്‍ ഗുണങ്ങളും ദോഷങ്ങളും

സൂര്യപ്രകാശമേറ്റ് ചര്‍മം കരുവാളിക്കുകയും കറുക്കുകയും ചെയ്യുന്നതില്‍ നിന്ന് സണ്‍സ്‌ക്രീന്‍ ചര്‍മത്തെ സംരക്ഷിക്കുന്നു. വെളുത്ത ചര്‍മം സൗന്ദര്യസങ്കല്‍പത്തില്‍ പ്രധാനമെന്നിരിക്കെ, ഇക്കാര്യം വളരെ പ്രധാനം തന്നെയാണ്.

കടുത്ത വെയിലും ചൂടും കാരണം ചര്‍മത്തില്‍ അലര്‍ജിയുണ്ടാകുന്നവരുണ്ട്. ഇത്തരം ചര്‍മപ്രശ്‌നങ്ങള്‍ തടയാന്‍ സണ്‍സ്‌ക്രീന്‍ സഹായകമാണ്.

കടുത്ത സൂര്യപ്രകാശം സ്‌കിന്‍ ക്യാന്‍സറുണ്ടാക്കും. സൂര്യപ്രകാശത്തിലെ അള്‍ട്രാവയലറ്റ് രശ്മികളാണ് ക്യാന്‍സറുണ്ടാക്കുന്നത്. സണ്‍സ്‌ക്രീന് അള്‍ട്രാവയലറ്റ് രശ്മികളെ തടയാനുള്ള കഴിവുണ്ട്.

എന്നാല്‍ ചില ദോഷങ്ങളും സണ്‍സ്‌ക്രീനിനുണ്ട്. ഇതിലെ കെമിക്കലുകള്‍ ചര്‍മത്തിലൂടെ രക്തത്തിലേക്കിറങ്ങി ഹോര്‍മോണ്‍ പ്രശ്‌നങ്ങളുണ്ടാക്കുന്നു. ഇത് അല്‍ഷീമേഴ്‌സ് പോലുള്ള രോഗങ്ങളുണ്ടാക്കുമെന്നും തെളിഞ്ഞിട്ടുണ്ട്.

മറ്റൊരു ദോഷം സണ്‍സ്‌ക്രീന്‍ വൈറ്റമിന്‍ ഡി കുറയ്ക്കുമെന്നതാണ്. സൂര്യവെളിച്ചത്തില്‍ നിന്നാണ് വൈറ്റമിന്‍ ഡി ലഭ്യമാകുന്നത്. സണ്‍സ്‌ക്രീന്‍ ഇതിന്റെ ഉല്‍പാദനം തടയുകയാണ് ചെയ്യുന്നത്. ഇത് വൈറ്റമിന്‍ ഡിയുടെ കുറവുണ്ടാകാന്‍ കാരണമാകും.