സൗന്ദര്യം കൂട്ടും ചില ഫേസ്മാസ്‌കുകള്‍

Skin Care

oi-Saritha

By Veena

Published: Friday, January 6, 2012, 11:56 [IST]

മുഖസൗന്ദര്യം വര്‍ദ്ധിപ്പിക്കുന്നതിന് ഫേസ് മാസ്‌കുകള്‍ സഹായിക്കാറുണ്ട്. പഴങ്ങളും പച്ചക്കറികളും എന്തിന് മണ്ണു പോലും ഫേസ് മാസ്‌കുണ്ടാക്കാന്‍ ഉപയോഗിക്കാറുണ്ട്. പതിവില്‍ നിന്നും വ്യത്യസ്തമായ ചില ഫേസ് മാസ്‌കുകളെ കുറിച്ച് അറിയൂ.

ഓറഞ്ച് നീരും ഓറഞ്ച് തൊലിയും ഫേസ്മാസ്‌കായി സാധാരണ ഉപയോഗിക്കാറുണ്ട്. ഇതിന്റെ കൂടെ അല്‍പം ജെലാറ്റിനോ തേനോ ചേര്‍ത്താല്‍ നല്ലൊന്നാന്തരം ഫേസ് മാസ്‌കാവും. ഓറഞ്ചിനു പുറമെ ഏതു ഫലവര്‍ഗങ്ങള്‍ കൊണ്ടും ഇത്തരം ഫേസ് മാസ്‌കുണ്ടാക്കാം.

സ്‌ട്രോബെറി ഉടച്ച് ഗോതമ്പുപൊടി, പാല്‍, ബദാം ഓയില്‍ എന്നിവ ചേര്‍ത്താല്‍ വരണ്ട ചര്‍മത്തിനുള്ള ഫേസ് മാസ്‌കായി. മുഖത്ത് ഇത് ഇട്ട ശേഷം ഉണങ്ങിക്കഴിയുമ്പോള്‍ പൊളിച്ചെടുക്കാം.

മുട്ടമഞ്ഞയും നാരങ്ങാനീരും ചേര്‍ത്ത് മുഖത്തിട്ടാല്‍ ബ്ലാക്‌ഹെഡ്‌സ് മാറിക്കിട്ടും.

മുള്‍ത്താണി മിട്ടിയോ ഫുള്ളേഴ്‌സ് എര്‍ത്തോ കറ്റാര്‍ വാഴ, പനിനീര് എന്നിവ ചേര്‍ത്ത് മുഖത്തിട്ടാല്‍ മുഖത്തെ സ്വേദഗ്രന്ഥികള്‍ തുറക്കുകയും മുഖം വൃത്തിയാവുകയും ചെയ്യും. മുഖക്കുരുവും പാടുകളും കുറയാന്‍ ഈ ഫേസ് മാസ്‌ക് നല്ലതാണ്.

ഓട്‌സ് പപ്പായ, പഞ്ചസാര, തക്കാളി എന്നിവയുമായി കൂട്ടിച്ചേര്‍ത്ത് നല്ലൊരു ഫേസ്മാസ്‌കുണ്ടാക്കാം. ഇത് ചര്‍മത്തിന് പ്രായക്കുറവു തോന്നിപ്പിക്കുന്ന ഒരു ഫേസ് മാസ്‌കാണ്.

വീട്ടില്‍ തന്നെ ഉണ്ടാക്കാവുന്ന ഇത്തരം ഫേസ് മാസ്‌കുകള്‍ ചര്‍മത്തിന് ദോഷം ചെയ്യുമെന്ന് പേടിക്കുകയും വേണ്ട.