സണ്‍ടാന്‍ തടയാന്‍ പ്രകൃതിദത്ത മാര്‍ഗങ്ങള്‍

ചെറുനാരങ്ങ

ചെറുനാരങ്ങാനീര്, പനീനീര്, കുക്കുമ്പര്‍ ജ്യൂസ് എന്നിവ കലര്‍ത്തി മുഖത്തു പുരട്ടി പത്തു പതിനഞ്ച് മിനിറ്റു കഴിയുമ്പോള്‍ കഴുകിക്കളയുക. ഇത് സണ്‍ടാന്‍ മാറാന്‍ സഹായിക്കും.

മഞ്ഞള്‍

ഒരല്‍പം മഞ്ഞള്‍പ്പൊടി പുളിയുള്ള തൈരില്‍ പുരട്ടി മുഖത്തും കഴുത്തിലും പുരട്ടാം. ഇത് അരമണിക്കൂര്‍ കഴിഞ്ഞ് കഴുകിക്കളയുക.

ഉരുളക്കിഴങ്ങ്

ഉരുളക്കിഴങ്ങ് പേസ്റ്റാക്കുക. ഇതില്‍ അല്‍പം ചെറുനാരങ്ങാനീര് ചേര്‍ത്ത് മുഖത്തു പുരട്ടാം. അരമണിക്കൂര്‍ കഴിഞ്ഞ് കഴുകിക്കളയുക.

കറ്റാര്‍ വാഴ

കറ്റാര്‍ വാഴയുടെ ജെല്‍, അല്‍പം തേന്‍, തൈര്, കുക്കുമ്പര്‍ ജ്യൂസ് എന്നിവ ചേര്‍ത്ത് മുഖത്തു പുരട്ടാം. അല്‍പം കഴിയുമ്പോള്‍ കഴുകിക്കളയാം. സണ്‍ടാന്‍ മാറാന്‍ മാത്രമല്ലാ, മുഖത്തിന് നിറം വയ്ക്കാനും ഇത് സഹായിക്കും.

ബേക്കിംഗ് സോഡ

ബേക്കിംഗ് സോഡ കൊണ്ട് പേസ്റ്റുണ്ടാക്കി മുഖത്തു പുരട്ടുന്നത് സണ്‍ടാന്‍ മാറാന്‍ നല്ലതാണ്.

കരിക്ക്

കരിക്കിന്‍ വെള്ളവും സണ്‍ടാനില്‍ നിന്നും മുഖത്തെ സംരക്ഷിക്കും. ഇതല്‍പം മുഖത്തു പുരട്ടിയാല്‍ മതിയാകും.

ബദാം

ബദാം അരച്ചത്, ചന്ദനം എന്നിവ കലര്‍ത്തി മുഖത്തു പുരട്ടാം. ഇതും സണ്‍ടാനില്‍ നിന്നും മുഖം സംരക്ഷിക്കാനുള്ള നല്ലൊരു വഴിയാണ്.

തക്കാളി

തക്കാളിയുടെ നീരും മുഖത്തു പുരട്ടുന്നത് വളരെ നല്ലതാണ്. സണ്‍ടാന്‍ മാറുക മാത്രമല്ല, മുഖത്തിന് മാര്‍ദവമുണ്ടാകാനും ഇത് നല്ലതു തന്നെ.

ഓട്‌സ്

ഓട്‌സ്, മഞ്ഞള്‍പ്പൊടി, തിളപ്പിക്കാത്ത പാല്‍, ചെറുനാരങ്ങാനീര് എന്നിവ ചേര്‍ത്ത് മുഖത്തു പുരട്ടുക. സണ്‍ടാന്‍ മാറാന്‍ ഇതും നല്ലൊരു വഴിയാണ്.

സ്‌ക്രബ്

മുഖം സ്‌ക്രബ് ചെയ്യുന്നതും ആവി പിടിയ്ക്കുന്നതും നല്ലതു തന്നെ. ഇത് മൃതകോശങ്ങളെ അകറ്റാനും ഇതുവഴി സണ്‍ടാന്‍ ബാധിച്ച ചര്‍മകോശങ്ങളെ അകറ്റി പുതിയവ ഉണ്ടാകാനും സഹായിക്കും.