തിളങ്ങും ചര്‍മം പുരുഷനും സ്വന്തമാക്കാം

ഷേവിംഗാണ് പുരുഷന്മാരുടെ ചര്‍മത്തിന് ദോഷം ചെയ്യുന്ന പ്രധാന വില്ലന്‍. രോമങ്ങള്‍ നീങ്ങുമെങ്കിലും മുഖചര്‍മം ഷേവിംഗിലൂടെ കൂടുതല്‍ പരുക്കനാവുകയാണ് ചെയ്യുന്നത്. ഏതെങ്കിലും നല്ല മോയിസ്ചറൈസറോ ആഫ്റ്റര്‍ ഷേവ് ലോഷനോ പുരട്ടുന്നത് ആ പ്രശ്‌നത്തിന് ഒരു പരിധി വരെ പരിഹാരമാകും.

സ്ത്രീകള്‍ക്കു മാത്രമല്ലാ, പുരുഷന്മാര്‍ക്കും കൂടിയുള്ളതാണ് മോയിസ്ചറൈസറുകള്‍. കുളി കഴിഞ്ഞാലുടന്‍ ദേഹത്ത് മോയിസ്ചറൈസര്‍ പുരട്ടുന്നത് ശീലമാക്കുക.

പുറത്തു പോയി വന്നാല്‍ മുഖം കഴുകുന്നത് ശീലമാക്കുക. ഉറങ്ങാന്‍ കിടക്കുന്നതിന് മുന്‍പ് മുഖത്ത് ഒലീവ് ഓയില്‍ പുരട്ടുന്നത് നല്ലതാണ്. ഇത് ചര്‍മത്തിന് ദൃഢതയും മൃദുത്വവും നല്‍കും.

കുളി കഴിഞ്ഞ ശേഷം ബദാം ഓയില്‍ പുരട്ടുന്നത് പുരുഷന്മാരുടെ ചര്‍മത്തിന് കൂടുതല്‍ മാര്‍ദവം നല്‍കും.

പുരുഷന്മാരില്‍ സ്വേദ ഗ്രന്ഥികള്‍ കൂടുതല്‍ പ്രവര്‍ത്തിക്കും. ഇത് ബ്ലാക് ഹെഡ്‌സും മറ്റും വരാനുള്ള സാധ്യത കൂട്ടുകയും ചെയ്യും. അതുകൊണ്ട് ദിവസവും ക്ലെന്‍സിംഗ് ചെയ്യുന്നത് പതിവാക്കുക.

മുഖചര്‍മവും ദേഹവും വൃത്തിയായി സൂക്ഷിക്കേണ്ടത് അത്യാവശ്യമാണ്. ഇത് ചര്‍മത്തിന്റെ ആരോഗ്യത്തിന് അത്യാവശ്യമവുമാണ്.

മുഖത്ത് ആവി പിടിക്കുന്നത് മുഖത്തെ അഴുക്കു കളയുവാനും ചര്‍മം മൃദുവാകാനും സഹായിക്കും.