പുരികത്തില്‍ രോമം കുറവോ?

പുരികരോമങ്ങള്‍ വളരാന്‍

ആവണക്കെണ്ണ പുരികത്തില്‍ രോമങ്ങള്‍ വളരാന്‍ സഹായിക്കുന്ന ഒന്നാണ്. ദിവസവും ഒന്നോ രണ്ടോ തുള്ളി ആവണക്കെണ്ണ പുരികത്തില്‍ പുരട്ടി തടവുക.അര മണിക്കൂര്‍ കഴിഞ്ഞ് കഴുകിക്കളയാം. ഇത് അടുപ്പിച്ചു ചെയ്യുന്നത് പുരികത്തില്‍ രോമങ്ങള്‍ നല്ലപോലെ വളരാന്‍ സഹായിക്കും.

പുരികരോമങ്ങള്‍ വളരാന്‍

വെളിച്ചെണ്ണയില്‍ ചെറുനാരങ്ങാത്തൊലി നല്ലപോലെ അരച്ചു ചേര്‍ത്ത് രാത്രി മുഴുവന്‍ വയ്ക്കുക. ഇത് രാവിലെ പുരികങ്ങളില്‍ പുരട്ടി നല്ലപോലെ മസാജ് ചെയ്യുക. രാത്രി കിടക്കുന്നതിന് മുന്‍പ് ചെയ്യുന്നതായിരിക്കും നല്ലത്. കാരണം ഇത് പുരട്ടി രണ്ടു മണിക്കൂര്‍ നേരത്തേയ്‌ക്കെങ്കിലും സൂര്യപ്രകാശമേല്‍ക്കുന്നത് ഒഴിവാക്കണം.

പുരികരോമങ്ങള്‍ വളരാന്‍

കറ്റാര്‍ വാഴയുടെ ജെല്ലും പുരികള്‍ക്ക് ഭംഗി നല്‍കാനും രോമവളര്‍ച്ചയ്ക്കും സഹായിക്കും. പ്രത്യേകിച്ച് പുരികം ത്രെഡ് ചെയ്ത ശേഷമുള്ള വേദന ഒഴിവാക്കാന്‍ ഇത് സഹായിക്കും. ഇതും കിടക്കുന്നതിനു മുന്‍പ് പുരട്ടുന്നതാണ് നല്ലത്.

പുരികരോമങ്ങള്‍ വളരാന്‍

സവാള, ചെറിയ ഉള്ളി എന്നിവയുടെ നീരും പുരികവളര്‍ച്ചയ്ക്കു സഹായിക്കും. ഇത് ഇടിച്ചു പിഴിഞ്ഞ് നീരെടുത്ത് പുരികത്തില്‍ പുരട്ടുകയോ ഇവ മുറിച്ച് പുരികത്തില്‍ ഉരസുകയോ ചെയ്യണം.

പുരികരോമങ്ങള്‍ വളരാന്‍

ഉലുവയും പുരികവളര്‍ച്ചയ്ക്ക്് നല്ലതാണ്. ഇവ അരച്ച് പേസ്റ്റാക്കി പുരികത്തില്‍ പുരട്ടുക. അല്‍പസമയം കഴിഞ്ഞ് കഴുകിക്കളയാം. ഉലുവ, ബദാം എന്നിവ ഒരുമിച്ച് അരച്ച് പേസ്റ്റാക്കി പുരികത്തില്‍ പുരരട്ടുന്നതും ഗുണം ചെയ്യും.

പുരികരോമങ്ങള്‍ വളരാന്‍

പാലും പാലുല്‍പന്നങ്ങളും പുരികവളര്‍ച്ചയ്ക്ക് സഹായിക്കുന്ന ഘടകങ്ങള്‍ തന്നെയാണ്. പഞ്ഞി അല്‍പം പാലില്‍ മുക്കി പുരികത്തിന് മുകളില്‍ പുരട്ടാം. ഇത് രോമങ്ങളുടെ വേരിനെ ശക്തിപ്പെടുത്തും. പുരികത്തില്‍ കൂടുതല്‍ രോമങ്ങള്‍ വളരാന്‍ ഇത് സഹായിക്കുകയും ചെയ്യും.