മുഖം പെട്ടെന്നു തിളങ്ങാന്‍ ഫേസ് പായ്ക്കുകള്‍

മുഖം പെട്ടെന്ന് തിളങ്ങണോ?

മുഖക്കുരുവുള്ളവര്‍ക്ക് കുക്കുമ്പര്‍ കൊണ്ട് ഫേസ് പായ്ക്കുണ്ടാക്കാം. കുക്കുമ്പര്‍ നല്ലപോലെ അരച്ച് ഇതില്‍ അല്‍പം പാല്‍, ചെറുനാരങ്ങാ നീര് എന്നിവ ചേര്‍ക്കുക. ഇത് മുഖം കഴുകി തുടച്ച ശേഷം മുഖത്തു പുരട്ടി അല്‍പം കഴിയുമ്പോള്‍ കഴുകിക്കളയാം. മുഖത്തിന് തിളക്കം ലഭിക്കും.

മുഖം പെട്ടെന്ന് തിളങ്ങണോ?

നല്ല പഴുത്ത പഴമുണ്ടെങ്കില്‍ മുഖത്തിന് താല്‍ക്കാലിക തിളക്കവും ഭംഗിയും നല്‍കാന്‍ ബുദ്ധിമുട്ടില്ല. പഴുത്ത പഴം ഉടച്ച് അല്‍പം ഒലീവ് ഓയില്‍, പനിനീര് എന്നിവ ചേര്‍ത്ത് മുഖത്തു പുരട്ടാം. അല്‍പം കഴിഞ്ഞ് കഴുകിക്കളയാം. മുഖത്തെ ടാന്‍ മാറ്റാനും ചുളിവുകള്‍ മാറ്റാനും പറ്റിയൊരു ഫേസ് പായ്ക്കാണിത്. മുഖചര്‍മത്തിന് ഈര്‍പ്പവും നല്‍കും.

മുഖം പെട്ടെന്ന് തിളങ്ങണോ?

മുഖത്തിന് തിളക്കം നല്‍കാന്‍ എളുപ്പമുള്ള ഒരു വഴിയാണ് ഒലീവ് ഓയില്‍ കൊണ്ട് മസാജ് ചെയ്യുകയെന്നത്. പ്രത്യേകിച്ച് വരണ്ട ചര്‍മമുള്ളവര്‍ക്ക് ചെയ്യാവുന്ന ഏറ്റവും നല്ലൊരു മസാജാണിത്. അല്‍പം ഒലീവ് ഓയില്‍ എടുത്ത് നല്ലപോലെ മസാജ് ചെയ്യുക. ഇത് മുഖത്തിന് തിളക്കം നല്‍കും. മുഖത്തെ വരള്‍ച്ച മാറ്റുകയും ചെയ്യും.

മുഖം പെട്ടെന്ന് തിളങ്ങണോ?

മുള്‍ത്താണി മിട്ടി, കടലമാവ് എന്നിവയും മുഖത്തിന് താല്‍ക്കാലികമായി തിളക്കം നല്‍കും. മുള്‍ത്താണി മിട്ടി പനിനീരിലും കടലമാവ് തൈരിലും കലര്‍ത്തി ഉപയോഗിക്കാം. ഇവ മുഖത്തിട്ട് ഉണങ്ങിക്കഴിയുമ്പോള്‍ കഴുകിക്കളയാം.

ഇത്തരം മാര്‍ഗങ്ങള്‍ പരീക്ഷിച്ചു നോക്കൂ. തിരക്കിലൊരു ബ്യൂട്ടി പാര്‍ലര്‍ സന്ദര്‍ശനം ഒഴിവാക്കാം.

മുഖം പെട്ടെന്ന് തിളങ്ങണോ?

പപ്പായയും മുഖത്തിന് തിളക്കം ലഭിയ്ക്കാന്‍ വളരെ നല്ലതാണ്. പപ്പായ നല്ലപോലെ ഉടച്ച് ഇതില്‍ പാല്‍, ചെറുനാരങ്ങാനീര് എന്നിവ ചേര്‍ക്കുക. ഇത് മുഖത്തു തേച്ച് അല്‍പനേരം മസാജ് ചെയ്യുക. ഉണങ്ങിയ ശേഷം കഴുകിക്കളയാം. പപ്പായ മുഖത്തിന് തിളക്കം നല്‍കുക മാത്രമല്ല, ചര്‍മം വലിയുന്നത് തടയുകയും ചെയ്യും.