വൈറ്റ് ഹെഡ്‌സ് അകറ്റാം

Skin Care

oi-Saritha

By Veena

Published: Wednesday, January 4, 2012, 14:46 [IST]

വൈറ്റ്‌ഹെഡ്‌സ് പലരുടെയും മുഖഭംഗി കളയുന്ന ഒന്നാണ്. എണ്ണമയമുള്ള ചര്‍മത്തിലാണ് വൈറ്റ് ഹെഡ്‌സ് കൂടുതലായും കാണപ്പെടുന്നത്. മുഖചര്‍മത്തിലെ സുഷിരങ്ങളില്‍ എണ്ണ കട്ടപിടിച്ചാണ് ഇവ സാധാരണയുണ്ടാകുന്നത്. വൈറ്റ്‌ഹൈഡ്‌സിനു പറ്റിയ ചില ഫേസ് മാസ്‌കുകള്‍ വീട്ടില്‍ തന്നെ തയ്യാറാക്കാവുന്നതേയുള്ളൂ.

ബട്ടര്‍ ഫ്രൂട്ട് അഥവാ അവോക്കാഡോ റവയുമായി ചേര്‍ത്ത് ഫേസ് മാസ്‌കായി ഉപയോഗിക്കാം. ഇത് മുഖത്തു പുരട്ടി മസാജ് ചെയ്ത് ഉണങ്ങിക്കഴിയുമ്പോള്‍ കഴുകിക്കളയാം. വൈറ്റ് ഹെഡ്‌സ് പടരാതിരിക്കുന്നതിനും മുഖത്തെ പാടുകള്‍ മായ്ക്കുന്നതിനും പറ്റിയ ഫേസ് മാസ്‌കാണിത്.

ഓറഞ്ച് തൊലി ഉണക്കിപ്പൊടിച്ചതും തേനും കടലമാവും ചേര്‍ത്ത് മുഖത്തിടുന്നത് വൈറ്റ് ഹെഡ്‌സ് മാറ്റാന്‍ സഹായിക്കും. ഇത് മുഖത്തു പുരട്ടി പതിനഞ്ചു മിനിറ്റ് കഴിഞ്ഞ് കഴുകിക്കളയാം. ഓറഞ്ച് തൊലി ബാക്ടീരിയകളെ നശിപ്പിക്കുന്നതിനും തേന്‍ ചര്‍മം വലിഞ്ഞുതൂങ്ങാതിരിക്കാനും സഹായിക്കും.

തൈര് ഉപയോഗിച്ചും വൈറ്റ് ഹെഡ്‌സിനുള്ള ചികിത്സ ചെയ്യാം. തൈര് ബദാം പൊടിയുമായി കൂട്ടിച്ചേര്‍ത്ത് മുഖത്തു മസാജ് ചെയ്യാം. ഇത് മുഖചര്‍മം വൃത്തിയാക്കുകയും വൈറ്റ്‌ഹെഡ്‌സ് അകറ്റുകയും ചെയ്യും.

സ്‌ട്രോബെറിയും തക്കാളിയും കൂട്ടിച്ചേര്‍ത്ത് മുഖത്തുപുരട്ടുന്നത് വൈറ്റ് ഹെഡ്‌സ് അകറ്റാന്‍ നല്ലതാണ്. ഈ മിശ്രിതം കൊണ്ട് മുഖം മസാജ് ചെയ്ത ശേഷം ചൂടുവെള്ളം കൊണ്ട് കഴുകിക്കളയാം.

കര്‍പ്പൂര തുളസിയും പപ്പായയും കൂട്ടിച്ചേര്‍ത്ത് മുഖത്തിടുന്നത് വൈറ്റ്‌ഹെഡ്‌സ് അകലാന്‍ സഹായിക്കും. മുഖത്തെ മൃചകോശങ്ങള്‍ നീക്കുന്നതിനും ബാക്ടീരിയകളെ നശിപ്പിക്കാനും ഈ മിശ്രിതം നല്ലതാണ്.

ധാരാളം വെള്ളം കുടിയ്ക്കുന്നതും മുഖത്ത് ആവി പിടിക്കുന്നതും വൈറ്റ് ഹെഡ്‌സ് അകറ്റാന്‍ സഹായിക്കുന്ന ചില മാര്‍ഗങ്ങളാണ്.