ചുണ്ടിന്റെ വരള്‍ച്ച തടയാന്‍ തൈര്

Skin Care

oi-Saritha

By Veena

Published: Saturday, January 7, 2012, 12:17 [IST]

മഞ്ഞുകാലത്ത് ചര്‍മത്തിനും മുടിക്കും ആരോഗ്യപ്രശ്‌നങ്ങളുണ്ടാകുന്നത് സ്വാഭാവികമാണ്. ചര്‍മം, പ്രത്യേകിച്ചും ചുണ്ടും ചുറ്റുപാടും വരണ്ടുണങ്ങുന്നതും അതുവഴി നീറ്റമനുഭവപ്പെടുന്നതും പലരേയും അലട്ടുന്ന പ്രശ്‌നമാണ്. മുഖസൗന്ദര്യം കളയാന്‍ ഈ പ്രശ്‌നം തന്നെ ധാരാളമാണ്.

ചുണ്ടിലും ചുറ്റുപാടും ലിപ് ബാം, വാസ്ലിന്‍ എന്നിവ പുരട്ടിയാണ് പലരും ഈ പ്രശ്‌നത്തിന് പരിഹാരം കണ്ടെത്താറ്. ചുണ്ടിനും ചുറ്റിലും ലിപ്ബാം കൊണ്ട് മസാജ് ചെയ്യുന്നത് നല്ലൊരു മാര്‍ഗം തന്നെയാണ്.

ചുണ്ടിനു ചുറ്റുമുള്ള വരണ്ടുണങ്ങിയ ചര്‍മം നീക്കം ചെയ്യുകയെന്നതാണ് ഈ പ്രശ്‌നത്തിനുള്ള ശാശ്വതപരിഹാരം. സ്‌ക്രബറുകള്‍ ഇതിനായി ഉപയോഗിക്കാം. ഓട്‌സ് പൊടിച്ചത് തൈരിനൊപ്പമോ പാലിലോ കൂട്ടിച്ചേര്‍ത്ത് മിശ്രിതമുണ്ടാക്കി ചുണ്ടിനു ചുറ്റും പുരട്ടി സ്‌ക്രബ് ചെയ്യാം. പിന്നീടിത് ഉണങ്ങിയ ശേഷം വെള്ളമുപയോഗിച്ച് കഴുകിക്കളയാം.

തൈര് നല്ലൊരു മോയിസ്ചറൈസറാണ്. വരണ്ട ഭാഗത്ത് തൈര് പുരട്ടി മസാജ് ചെയ്യുന്നതും തൈരടങ്ങിയ മിശ്രിതങ്ങള്‍ കൊണ്ട് മസാജ് ചെയ്യുന്നതും നല്ലതാണ്. സ്‌ട്രോബെറി, റോസിതളുകള്‍ അരച്ചത് എന്നിവ തൈരില്‍ ചേര്‍ത്തും ഉപയോഗിക്കാം. തൈരുപയോഗിക്കുമ്പോള്‍ ചര്‍മത്തിലെ സുഷിരങ്ങള്‍ തുറക്കുകയും അതുവഴി ചര്‍മം മൃദുവാകുകയുമാണ് ചെയ്യുന്നത്.

ചര്‍മത്തില്‍ വൈറ്റമിന്‍, ഒലീവ് ഓയില്‍ എന്നിവയില്‍ ഏതെങ്കിലും പുരട്ടി ഐസ് ക്യൂബുകള്‍ കൊണ്ട് മസാജ് ചെയ്യുന്നത് ഈ പ്രശ്‌നത്തിനൊരു പരിഹാരമാണ്.

സണ്‍സ്‌ക്രീന്‍ ഉപയോഗിക്കുന്നതും വരണ്ട ചര്‍മത്തെ നീക്കം ചെയ്യാന്‍ സഹായിക്കും. സൂര്യപ്രകാശം അമിതമായി ഏല്‍ക്കുന്നതും ചര്‍മം വരളാന്‍ ഇട വരുത്തും.