Click it and Unblock the Notifications
Latest Updates
-
ഗജകേസരി യോഗം: ഇന്ന് ഈ കാര്യങ്ങളിൽ ജാഗ്രത വേണം; അറിയേണ്ടതെല്ലാം ഇതാ -
നവംബർ 10 ശോഭന യോഗം: ഈ കാര്യങ്ങൾ ശ്രദ്ധിച്ചാൽ സാമ്പത്തിക നഷ്ടം ഒഴിവാക്കാം, ജാഗ്രത വേണം! -
സ്കന്ദഷഷ്ടി 2026: സൂരസംഹാരത്തിന് തിരുച്ചെന്തൂരിലേക്ക് പോകുന്നുണ്ടോ? ഭക്തർ അറിയേണ്ട പ്രധാന കാര്യങ്ങൾ -
ഛത്ത് പൂജയ്ക്ക് വീട് ഒരുക്കുമ്പോൾ ശ്രദ്ധിക്കൂ; ഈ വാസ്തു തെറ്റുകൾ ഐശ്വര്യം തടയുമോ? -
ബുധൻ നേർരേഖയിലാകുന്നു: നവംബർ 13-ന് ശേഷം ജീവിതത്തിൽ ശ്രദ്ധിക്കേണ്ട കാര്യങ്ങൾ -
ഡൽഹിയിൽ ശ്വാസം മുട്ടിക്കുന്ന പുകമഞ്ഞ്; AQI ഉയരുമ്പോൾ ജീവൻ രക്ഷിക്കാൻ ഈ മുൻകരുതലുകൾ എടുക്കൂ -
വിഷയോഗം ഇന്ന് രാത്രി: അനാവശ്യ ആശങ്ക വേണ്ട, ശ്രദ്ധിക്കേണ്ട കാര്യങ്ങൾ ഇതാ -
നവംബർ 10: ചന്ദ്രൻ വൃശ്ചിക രാശിയിലേക്ക്; ജീവിതത്തിൽ ഈ മാറ്റങ്ങൾ വരുത്താം, ജാഗ്രതയും പ്രധാനം -
സർവാർത്ഥ സിദ്ധി, അമൃത സിദ്ധി യോഗം: അന്ധവിശ്വാസത്തിൽ വീഴാതെ ഇന്ന് രാത്രി ശ്രദ്ധിക്കേണ്ട കാര്യങ്ങൾ ഇതാ -
നവംബർ 10-16: ഈ 4 രാശിക്കാർക്ക് വരാനിരിക്കുന്നത് സുവർണ്ണകാലം, പണവും കരിയറും മെച്ചപ്പെടും - അറിയേണ്ടതെല്ലാം
കാല്‍ വിണ്ടുപൊട്ടുന്നോ, പരിഹാരമിതാ
കാലുകള്‍ വിണ്ടുകീറുന്നത് പലരുടേയും പ്രശ്‌നമാണ്. പ്രത്യേകിച്ച് മഞ്ഞുകാലത്താണ് ഈ പ്രശ്‌നം കൂടുതല്‍ അനുഭവപ്പെടുക. വേണ്ട രീതിയില്‍ ശ്രദ്ധ കൊടുത്തില്ലെങ്കില്‍ ഈ പ്രശ്‌നം വല്ലാതെ വഷളാകാനും സാധ്യതയുണ്ട്.
പലതരം ക്രീമുകളും ഓയിന്റ്‌മെന്റുകളും ഇതിനുള്ള പ്രശ്‌നപരിഹാരമെന്ന നിലയില്‍ ലഭിക്കുമെങ്കിലും ഇത് ചിലപ്പോള്‍ പൂര്‍ണമായും ഫലം കണ്ടില്ലെന്നു വരും. ഇവയുടെ ഉപയോഗം നിര്‍ത്തിയാല്‍ വീണ്ടും ഈ പ്രശ്‌നം തിരിച്ചെത്തുകയും ചെയ്യും.
വിണ്ടുപൊട്ടിയ കാലുകള്‍ക്ക് വീട്ടില്‍ തന്നെ ചെയ്യാവുന്ന ചില പ്രശ്‌നപരിഹാരങ്ങളുണ്ട്.
ഉപ്പ്, ചെറുനാരങ്ങാനീര്, ഗ്ലിസറിന്‍, പനിനീര് എന്നിവ ചെറുചൂടുള്ള വെള്ളത്തില്‍ കലര്‍ത്തുക. കാല്‍ ഈ വെള്ളത്തില്‍ 15 മിനിറ്റ് ഇറക്കി വയ്ക്കണം. അല്‍പസമയം കഴിയുമ്പോള്‍ ഉപ്പുറ്റിയിലെ തൊലി പ്യൂമിക് സ്്‌റ്റോണ്‍ ഉപയോഗിച്ചോ സ്‌ക്രബര്‍ ഉപയോഗിച്ചോ ഉരച്ചു കഴുകുക. കാലുകള്‍ വൃത്തിയായി കഴുകി തുടയ്ക്കുക.
പിന്നീട് ഗ്ലിസറിന്‍, പനിനീര്, ചെറുനാരങ്ങാനീര് എന്നിവ തുല്യഅളവില്‍ യോജിപ്പിച്ച് ഉപ്പുറ്റിയില്‍ പുരട്ടാം. ഇത് അല്‍പനേരം കാലില്‍ തന്നെ വയ്ക്കാന്‍ ശ്രദ്ധിക്കണം. കാലില്‍ വേണെങ്കില്‍ സോക്‌സിട്ടു നടക്കാം. ഈ മാര്‍ഗം അടുപ്പിച്ചു ചെയ്യണം.
രാത്രി കിടക്കാന്‍ നേരത്ത് ഉപ്പുറ്റിയില്‍ ഓയില്‍ മസാജ് ചെയ്യുന്നതും നല്ലതാണ്. വെളിച്ചെണ്ണ, എള്ളെണ്ണ, ബദാം ഓയില്‍ എന്നിവ ഇതിന് ഉപയോഗിക്കാം. ഇതിന് ശേഷം സോക്‌സിട്ട് കിടക്കാം.
പഴവര്‍ഗങ്ങള്‍ കൊണ്ടും ഉപ്പുറ്റിയില്‍ മസാജ് ചെയ്യാം. പഴം ഉടച്ച് ഉപ്പുറ്റിയില്‍ പുരട്ടി അല്‍പം കഴിയുമ്പോള്‍ കഴുകിക്കളയാം. ബട്ടര്‍ ഫ്രൂട്ട്, പഴം എന്നിവ ഉടച്ചുചേര്‍ത്ത് അല്‍പം വെളിച്ചെണ്ണയോ തേങ്ങാപ്പാലോ ചേര്‍ത്തും ഉപ്പുറ്റിയില്‍ പുരട്ടി മസാജ് ചെയ്യാം. ബട്ടര്‍ ഫ്രൂട്ടിന് പകരം പഴുത്ത പപ്പായയും ഉപയോഗിക്കാം. ധാതുക്കളും വൈറ്റമിനുകളും അടങ്ങിയ മിശ്രിതമാണിത്. വരണ്ട ചര്‍മത്തിനുള്ള ഏറ്റവും നല്ല പ്രതിവിധി.
സ്ഥിരമായി കാല്‍ വിണ്ടുപൊട്ടുന്ന പ്രശ്‌നമുള്ളവരാണെങ്കില്‍ ദിവസവും കാലിലെ ഉപ്പുറ്റി സ്‌ക്രബ് ചെയ്യുന്നത് നല്ലതാണ്. കെമിക്കലുകള്‍ അടങ്ങിയ ഉല്‍പന്നങ്ങള്‍ക്ക് പകരം അരിപ്പൊടി പോലുള്ള സ്‌ക്രബറുകള്‍ ഉപയോഗിക്കാം. അല്‍പം അരിപ്പൊടിയില്‍ തേനും ആപ്പിള്‍ സിഡെര്‍ വിനെഗറും ചേര്‍ത്ത് പേസ്റ്റാക്കി ഉപയോഗിക്കാം. വല്ലാതെ ആഴത്തില്‍ വിണ്ടുപൊട്ടിയിട്ടുണ്ടെങ്കില്‍ ബദാം, ഒലീവ് ഓയിലുകളും ചേര്‍ക്കാം.
പല മാര്‍ഗങ്ങളും ഉപയോഗിച്ചിട്ടും ഫലം കണ്ടില്ലെങ്കില്‍ മെഴുക് ചികിത്സ ചെയ്യാം. പാരഫിന്‍ വാക്‌സാണ് ഇതിന് ഉപയോഗിക്കുന്നത്. നമ്മുടെ സാധാരണ മെഴുകുതിരി തന്നെ പാരഫിന്‍ വാക്‌സാണ്. കാല്‍ ചൂടുവെള്ളത്തില്‍ ഉരച്ച് കഴുകുക. മെഴുക് ഉരുക്കി അല്‍പം കടുകെണ്ണയും ചേര്‍ത്ത് ഇളം ചൂടോടെ ഉപ്പുറ്റിയില്‍ പുരട്ടുക. ഇതിന് ശേഷം സോക്‌സ് ധരിക്കാം. ഇത് അല്‍പസമയം കാലില്‍ വയ്ക്കുകയും വേണം. അടുപ്പിച്ചു ചെയ്താല്‍ ഈ മാര്‍ഗം ഫലം കാണും.
Continue with Google
