ഫേഷ്യലിന് ദോഷവശങ്ങളും

ഫേഷ്യല്‍ സൗന്ദര്യസംരക്ഷണമാര്‍ഗങ്ങളില്‍ പ്രധാനമാണ്. ഫേഷ്യലുകള്‍ പലതരമുണ്ട്. ഫേഷ്യലുകള്‍ക്ക് നല്ലതു മാത്രമല്ല, ദൂഷ്യവശങ്ങളുമുണ്ട്.

ഫേഷ്യല്‍ ചര്‍മം പെട്ടെന്ന് പ്രായമാകുന്നതിന് കാരണമാകുന്നു. തുടക്കത്തില്‍ ഇത് നല്ലതാണെങ്കിലും തുടര്‍ച്ചയായി നടത്തുന്ന ഫേഷ്യലുകള്‍ ചര്‍മകോശങ്ങളെ കേടു വരുത്തും. ഇത് ചര്‍മത്തിന് പ്രായം തോന്നുവാന്‍ കാരണമാവുകയും ചെയ്യും.

ചിലതരം ഫേഷ്യലുകളില്‍ മുഖത്തിന് കൂടുതല്‍ തിളക്കവും നിറവും വരുത്തുവാന്‍ രാസവസ്തുക്കളും ഉപയോഗിക്കാറുണ്ട്. ഇത്തരം രാസവസ്തുക്കള്‍ ഭാവിയില്‍ മുഖത്ത് പാടുകളും കുത്തുകളുമുണ്ടാകാന്‍ ഇടയാക്കും.

അലര്‍ജിയും ഫേഷ്യല്‍ വഴി ചിലര്‍ക്കുണ്ടാകും. പ്രത്യേകിച്ച് ചര്‍മത്തിന് ചേരാത്ത വിധത്തിലുള്ള ഫേഷ്യലുകള്‍ തെരഞ്ഞെടുക്കുമ്പോള്‍. ശരിയായ രീതിയില്‍ ഫേഷ്യല്‍ ചെയ്യാനറിയാത്ത ബ്യൂട്ടി പാര്‍ലറുകളില്‍ പോയാല്‍ പ്രത്യേകിച്ചും ഇത് ദോഷവശങ്ങളുണ്ടാക്കും.

ഫേഷ്യലുകള്‍ തെരഞ്ഞെടുക്കുമ്പോള്‍ ഹെര്‍ബല്‍ ബേസുള്ളവ തെരഞ്ഞെടുക്കാന്‍ ശ്രദ്ധിക്കുക. ഇവ ചര്‍മത്തിന് കാര്യമായ ദോഷം വരുത്തില്ല. അതുപോലെ അടുപ്പിച്ച് ഫേഷ്യലുകള്‍ ചെയ്യുന്നത് ഒഴിവാക്കുകയും വേണം.