നര്‍ഗീസ് ഫക്രിയുടെ സൗന്ദര്യരഹസ്യം

ബോളിവുഡിലെ സുന്ദരിയാണ് നര്‍ഗീസ് ഫക്രി. ഈ സുന്ദരി തന്റെ സൗന്ദര്യരഹസ്യങ്ങള്‍ വെളിപ്പെടുത്തുന്നു. നല്ല ഉറക്കം, ഭക്ഷണം, വെള്ളം എന്നിവ സൗന്ദര്യത്തിന് പ്രധാനമെന്ന് നര്‍ഗീസ് പറയുന്നു. തൊലിപ്പുറത്തെ സൗന്ദര്യം ഇവയെക്കൂടി അടിസ്ഥാനപ്പെടുത്തിയായിരിക്കും. പൊസറ്റീവ് ചിന്തകള്‍ക്ക് മനിസിലിടം കൊടുക്കുക.

ഭക്ഷണത്തിനൊപ്പം എപ്പോഴും ഒരു ഗ്ലാസ് നാരങ്ങാവെള്ളം കുടിയ്ക്കാനും നര്‍ഗീസ് ശ്രമിക്കാറുണ്ട്. എന്നാല്‍ സോഡ, കൃത്രിമമധുരം ചേര്‍ത്ത ജ്യൂസ് എന്നിവ ഇവര്‍ ഉപേക്ഷിക്കുകയാണ് പതിവ്. ഇത് ചര്‍മത്തിന് നല്ലതല്ലാത്തതു തന്നെ കാരണം.

ദേഹത്ത് കഴിവതും പ്രകൃതിദത്ത മോയിസ്ചറൈസറുകള്‍ പുരട്ടാന്‍ ഇവര്‍ ശ്രദ്ധിക്കാറുണ്ട്. ഇതുപോലെ മുഖം കഴുകാന്‍ സാലിസൈക്ലിക് ആസിഡ് അടങ്ങിയ ഫേസ് വാഷ് ഉപയോഗിക്കാറുമുണ്ട്.

ഷൂട്ടിംഗില്ലാത്ത സമയങ്ങളില്‍ മുഖത്തെ മേക്കപ്പില്‍ നിന്നും ഒഴിവാക്കാന്‍ ഇവര്‍ ശ്രമിക്കാറുണ്ട്. ചര്‍മത്തിന് ശുദ്ധവായും ലഭിക്കേണ്ടതിന്റെ ആവശ്യകത ബോധ്യമുള്ളതു കൊണ്ടാണിത്.

മുടിയില്‍ വെളിച്ചെണ്ണ പുരട്ടി നല്ലപോലെ മസാജ് ചെയ്യുന്നകയാണ് മുടിസംരക്ഷണത്തിന് വേണ്ടി ഇവര്‍ ചെയ്യാറുള്ള പ്രധാന മാര്‍ഗം.

ജങ്ക് ഫുഡ് കഴിവതും ഒഴവാക്കുന്ന ഇവര്‍ കരിക്കു വെള്ളം ധാരാളം കുടിയ്ക്കാന്‍ ശ്രദ്ധിക്കുന്നു. ചര്‍മത്തിനും മുടിയ്ക്കും ഇത് ഒരുപോലെ സഹായകമാണ്. സോയ, മുളപ്പിച്ച ധാന്യങ്ങള്‍ എന്നിവ ഇവര്‍ ഭക്ഷണത്തില്‍ ഉള്‍പ്പെടുത്തുന്നു.

ശരീരസൗന്ദര്യത്തിന് വ്യായാമത്തിനും നര്‍ഗീസ് പ്രത്യേക ശ്രദ്ധ വയ്ക്കുന്നു. നീന്തല്‍, യോഗ, നൃത്തം തുടങ്ങിയ മാര്‍ഗങ്ങളെല്ലാം ഇവര്‍ വ്യായാമത്തില്‍ ഉള്‍പ്പെടുത്താറുണ്ട്.