മാങ്ങ കൊണ്ട് ഫേസ് മാസ്‌ക്

പഴുത്ത മാങ്ങാക്കഷ്ണം മുഖത്ത് അല്‍പനേരം ഉരസുക. ഇത് ചര്‍മത്തിന് തണുപ്പു നല്‍കും. മാങ്ങയുടെ പള്‍പ്പ് 10 മിനിറ്റ് മുഖത്തു തന്നെ വയ്്ക്കുക. പിന്നീട് അല്‍പം തണുത്ത പാല്‍ മുഖത്തു പുരട്ടി അതിന് ശേഷം തണുത്ത വെള്ളം കൊണ്ട് കഴുകിക്കളയാം.

മാങ്ങയുടെ പള്‍പ്പ് ഉടച്ച് അതില്‍ തൈരും അല്‍പം ചെറുനാരങ്ങാനീരും ചേര്‍ത്ത് സണ്‍ടാന്‍ മാറാനുള്ള ഫേസ് മാസ്‌കുണ്ടാക്കൂം. ഇത് മുഖത്തും കഴുത്തിലും പുരട്ടി ഉണങ്ങിക്കഴിയുമ്പോള്‍ തണുത്ത വെള്ളം കൊണ്ട് കഴുകണം.

മുട്ടയും മാങ്ങയും ചേര്‍ത്തും ഫേസ് മാസ്‌കുണ്ടാക്കാം. മുട്ടയുടെ വെള്ളയും മാങ്ങയുടെ പള്‍പ്പും ഉടച്ച് ഇതില്‍ അല്‍പം തേനും ചേര്‍ത്ത് നല്ലപോലെ കൂട്ടിക്കലര്‍ത്തി മുഖത്തു തേക്കാം. ഉണങ്ങിക്കഴിഞ്ഞ് വീര്യം കുറഞ്ഞ ഫേസ് മാസ്‌കുപയോഗിച്ച് കഴുകാം. മുട്ടയുടെ ദുര്‍ഗന്ധം പോയിക്കിട്ടും.

മാങ്ങ ഉടച്ചതും ഓട്‌സ്, ബദാം എന്നിവ പൊടിച്ചതും കൂട്ടിച്ചേര്‍ത്ത് അതിലേക്ക് അല്‍പം പാല്‍പ്പാടയും ചേര്‍ത്ത് ഫേസ് മാസ്‌കുണ്ടാക്കാം. ഇത് ചര്‍മത്തെ മൃദുവാക്കും.