ചുണ്ടിന് ചുവപ്പുനിറം വേണമെങ്കില്‍

Skin Care

oi-Saritha

By Veena

Published: Monday, August 20, 2012, 13:16 [IST]

ചെഞ്ചുണ്ടാണ് സൗന്ദര്യലക്ഷണമെന്നു പൊതുവെ പറയും. ഈ നിറത്തിന് ചില ഏറ്റക്കുറച്ചിലുകളുണ്ടാകുമെങ്കിലും ചുണ്ട് കറുത്തു പോയാല്‍ അഭംഗി തന്നെ.

പുകവലി പോലുള്ള ശീലങ്ങളും വല്ലാതെ വെയില്‍ കൊള്ളുന്നതും ചുണ്ടിനെ കറുപ്പിക്കും. ലിപ്സ്റ്റിക്കിലും മറ്റും അടങ്ങിയിരിക്കുന്ന രാസവസ്തുക്കളും ചിലപ്പോള്‍ ചുണ്ടു കറുക്കാന്‍ ഇട വരുത്തും.

ചുണ്ടിന് നിറം നല്‍കാനുള്ള ചില ആയുര്‍വേദ മാര്‍ഗങ്ങള്‍ അറിയൂ.

പഞ്ചസാര പൊടിച്ച് ഒലീവ് ഓയിലില്‍ ചേര്‍ത്ത് ചുണ്ടുകളില്‍ സ്‌ക്രബ് ചെയ്യുക. ഇത് ചുണ്ടിന്റെ കറുപ്പു നിറം അകറ്റും.

വെണ്ണ, നെയ്യ് എന്നിവ ചുണ്ടില്‍ പുരട്ടുന്നത് ചുണ്ടിന് നിറം നല്‍കുകയും മൃദുവാക്കുകയും ചെയ്യും.

ബദാം ഓയിലും പാല്‍പ്പാടിയും ചേര്‍ത്ത് ചുണ്ടില്‍ പുരട്ടുന്നത് നല്ലതാണ്. ബദാം ഓയില്‍ മാത്രമായും പുരട്ടാം.

ചെറുനാരങ്ങാനീര് ചുണ്ടില്‍ പുരട്ടുന്നത് ചുണ്ടിന് ചുവപ്പു നല്‍കും.

നല്ല ഭക്ഷണവും പ്രധാനം. പച്ചക്കറികളും പഴവര്‍ഗങ്ങളും കഴിയ്ക്കുക. ധാരാളം വെള്ളം കുടിയ്ക്കുകയും വേണം. ഇത് ചുണ്ടിന് നിറം നല്‍കുന്ന ഘടകമാണ്.

ഉണക്കമുന്തിരി രാത്രി വെള്ളത്തില്‍ കുതിര്‍ത്ത് രാവിലെ വെറുംവയറ്റില്‍ കഴിയ്ക്കുക. ഇത് ചുണ്ടിന് രക്തനിറം നല്‍കും.

ചായ, കാപ്പി ശീലങ്ങള്‍ കുറയ്‌ക്കേണ്ടതും പുകവലി ഒഴിവാക്കേണ്ടതും വളരെ പ്രധാനമാണ്. ഇവ ചുണ്ടിന്റെ സ്വാഭാവിക നിറത്തിന് മങ്ങലേല്‍പ്പിക്കുന്ന ഘടകങ്ങളാണ്.