ചായ കൊണ്ടും ഫേസ് മാസ്‌ക്

പഴുത്ത പഴം നല്ലപോലെ ഉടയ്ക്കുക. ഇതില്‍ രണ്ടു സ്പൂണ്‍ തേയിലവെള്ളം ഒഴിയ്ക്കുക. ഇത് മുഖത്തു പുരട്ടാം. അര മണിക്കൂര്‍ കഴിഞ്ഞ് കഴുകിക്കളയുകയും ചെയ്യാം. ചര്‍മത്തിളക്കം കൂട്ടാന്‍ ഈ മാസ്‌ക് നല്ലതാണ്. തേയില വെള്ളത്തിനു പകരം തേയിലപ്പൊടി ഇട്ടാല്‍ നല്ലൊരു സ്‌ക്രബറായും ഇത് ഉപയോഗിക്കാം.

ഓട്‌സ് നല്ലപോലെ പൊടിയ്ക്കുക. ഇതിലേക്ക് തേയില വെള്ളവും അല്‍പം തേനും ചേര്‍ക്കണം. ഇത് നല്ലപോലെ കൂട്ടിച്ചേര്‍ത്ത് മുഖത്തു പുരട്ടുക. ഉണങ്ങുമ്പോള്‍ പതുക്കെ സ്‌ക്രബ് ചെയ്ത് കഴുകിക്കളയാം.

അല്‍പം അരിപ്പൊടി, തേയിലപ്പൊടി, രണ്ടു മൂന്നു തുള്ളി നാരങ്ങാനീര് എന്നിവ കൂട്ടിച്ചേര്‍ത്ത് മുഖത്തു പുരട്ടാം. ഉണങ്ങിക്കഴിയുമ്പോള്‍ കഴുകിക്കളയാം.

തേയിലയും കൊക്കോപൗഡറും ഉപയോഗിച്ച് ഫേസ് മാസ്‌കുണ്ടാക്കാം. കൊക്കോപൗഡറില്‍ തേയിലവെള്ളം ചേര്‍ത്ത് പേസ്റ്റാക്കി മുഖത്തു പുരട്ടാം. ഇത് മുഖക്കുരു മാറാനും മുഖത്തെ ചുളിവുകള്‍ അകറ്റാനും പറ്റിയ നല്ലൊരു ഫേസ്മാസ്‌കാണ്.

കോണ്‍ഫ്‌ളോറും തേയിലവെള്ളവും ചേര്‍ത്ത് മാസ്‌കുണ്ടാക്കാം. ഇത് മുഖത്തു പുരട്ടി ഉണങ്ങിക്കഴിയുമ്പോള്‍ കഴുകിക്കളയാം. മുഖത്തെ ബ്ലാക് ഹെഡ്‌സ് മാറാന്‍ നല്ലൊരു ഫേസ് മാസ്‌കാണിത്.

തേയിലയിലെ ആന്റി ഓക്‌സിഡന്റുകള്‍ മുഖചര്‍മത്തിന് തിളക്കം നല്‍കുകയും ചുളിവുകള്‍ ഒഴിവാക്കുകയും ചെയ്യുന്നു.