താടിയും മീശയും വളരണോ?

Updated: Wednesday, July 25, 2012, 11:58 [IST]

ക്ലീന്‍ ഷേവാണ് ഒരു ചെറുപ്പം ലുക്ക് നല്‍കുകയെങ്കിലും ആണുങ്ങളെ സംബന്ധിച്ചിടത്തോളം മീശക്കും താടിക്കും പ്രാധാന്യമേറെയുണ്ട്. എത്ര ശ്രമിച്ചാലും മുഖത്തു രോമം വളരാത്തതാകും ചിലരുടെ പ്രശ്‌നം. ഇതിന് വഴിയുണ്ട്.

ആദ്യം മുഖത്ത് എത്രത്തോളം രോമം വേണമെന്ന കാര്യത്തില്‍ തീരുമാനമെടുക്കുകയാണ് വേണ്ടത്. വലിയ മീശയും തായടിയും വേണോ, അതോ ഒരു സ്‌റ്റൈലിന് കുറ്റിരോമങ്ങള്‍ മാത്രം മതിയോയെന്ന കാര്യത്തില്‍ ആദ്യം തീരുമാനമെടുക്കുക.

ഷേവിംഗ് അല്‍പനാളത്തേക്ക് പാടെ ഒഴിവാക്കുക. ഷേവ് ചെയ്താല്‍ പെട്ടെന്ന് രോമം വളരുമെന്നു കരുതി ഉള്ളത് കളേയണ്ടെന്നര്‍ത്ഥം.

നല്ല ഉറക്കവും ഭക്ഷണവും രോമവളര്‍ച്ചെയ സഹായിക്കും. ഇവ രണ്ടും കുറഞ്ഞാല്‍ ഇത് രോമവളര്‍ച്ചയെ ബാധിക്കുകയും ചെയ്യും. അയേണ്‍, സിങ്ക് തുടങ്ങിയ ഭക്ഷണങ്ങള്‍ രോമവളര്‍ച്ചെയെ സഹായിക്കും. ബീന്‍സ്, മത്സ്യം തുടങ്ങിയവ ഭക്ഷണത്തില്‍ ഉള്‍പ്പെടുത്താന്‍ ശ്രമിക്കുക. ബയോട്ടിന്‍ സപ്ലിമെന്റുകള്‍ രോമവളര്‍ച്ചയെ സഹായിക്കും.

വ്യായാമവും രോമമുണ്ടാകാന്‍ സഹായിക്കും. വ്യായാമത്തിലൂടെ ശരീരത്തിലെ രക്തപ്രവാഹം വര്‍ദ്ധിക്കും. ഇത് മുടിയും രോമവും വളരാന്‍ നല്ലതാണ്.

വൃത്തിയുള്ള ചര്‍മം രോമവളര്‍ച്ചയെ സഹായിക്കും. ചര്‍മവൃത്തി പാലിക്കാന്‍ പ്രത്യേകം ശ്രദ്ധിക്കുക.

ഏതു കാര്യത്തിനുമെന്ന പോലെ രോമവളര്‍ച്ചയ്ക്കും ദോഷം ചെയ്യുന്ന ഒന്നാണ് സ്ട്രസ്, ടെന്‍ഷന്‍ തുടങ്ങിയവ. ഇവയെ കഴിവതും അകറ്റി നിര്‍ത്തുക.