മുഖക്കുരു മാറ്റാന്‍ വീട്ടുവൈദ്യം

Skin Care

oi-Saritha

By Veena

Updated: Tuesday, July 24, 2012, 15:25 [IST]

ഭംഗിയുള്ള മുഖത്ത് മുഖക്കുരുവുണ്ടാക്കുന്ന അഭംഗി കുറച്ചൊന്നുമല്ല. മുഖക്കുരുവിന് ധാരാളം പരിഹാരമാര്‍ഗങ്ങളുമുണ്ട്. വീട്ടില്‍ തന്നെ ചെയ്യാവുന്ന ചില പൊടിക്കൈകള്‍.

നാരങ്ങാനീരും പനിനീരും തുല്യഅളവില്‍ എടുത്ത് മുഖത്തു പുരട്ടാം. മുഖക്കുരു കുറയും

ആപ്പിള്‍ തൊലി കളഞ്ഞ് നല്ലപോലെ ഉടച്ച് തേന്‍ ചേര്‍ത്ത് മുഖത്തു പുരട്ടാം.

തുളസിയില അരച്ച് മുഖത്തിടുന്നതും നല്ലതാണ്. കൃഷ്ണതുളസി, കര്‍പ്പൂര തുളസി തുടങ്ങിയവ ഉപയോഗിക്കാം.

കറ്റാര്‍ വാഴ മുഖക്കുരുവിനും പാടുകള്‍ക്കും പറ്റിയ നല്ലൊന്നാന്തരം മരുന്നാണ്. ഇതിന്റെ ജെല്‍ എടുത്ത് അടുപ്പിച്ച് മുഖത്തു പുരട്ടുന്നത് നല്ലതാണ്. ചിലരില്‍ ജെല്‍ മാത്രം മുഖത്തു പുരട്ടുന്നത് ചര്‍മത്തില്‍ ചൊറിച്ചിലുണ്ടാക്കും. ഇങ്ങനെയുള്ളവര്‍ അല്‍പം തേന്‍ ചേര്‍ത്ത് ഉപയോഗിച്ചാല്‍ മതി.

വെള്ളരിക്കാ നീര് നാരങ്ങാനീരുമായി ചേര്‍ത്ത് മുഖത്തു പുരട്ടി നോക്കൂ. മുഖക്കുരവുണ്ടെങ്കില്‍ കുറയും. അടുപ്പിച്ചു ചെയ്താന്‍ മുഖത്തെ പാടുകളും മാറും. ചര്‍മത്തിന്റെ നിറം വര്‍ദ്ധിക്കുകയും ചെയ്യും.

ആര്യവേപ്പിലയിട്ട വെള്ളം കൊണ്ട് ആവി പിടക്കുന്നത് മുഖക്കുരു മാറാന്‍ നല്ലതാണ്.

തക്കാളി, പപ്പായ എന്നിവ ഉടച്ച് മുഖത്തു പുരട്ടുന്നത് മുഖക്കുരു മാറാന്‍ നല്ലതാണ്.