കുഞ്ഞിനെപ്പോലെയുള്ള ചര്‍മം വേണോ?

Updated: Thursday, July 19, 2012, 13:05 [IST]

ചര്‍മത്തിന്റെ തുടിപ്പും മിനുപ്പും നില നിര്‍ത്താന്‍ ആഗ്രഹിക്കാത്ത സ്ത്രീകളുണ്ടോ. ഇതിന് ബ്യൂട്ടിപാര്‍ലര്‍ കയറിയിറങ്ങുകയും ലോഷനുകളും ക്രീമുകളും മാറിമാറി പരീക്ഷിക്കുകയും ചെയ്യുന്നവരുണ്ട്.

ചര്‍മസൗന്ദര്യത്തിന് ചര്‍മസംരക്ഷണം മാത്രമല്ലാ, നല്ല ഭക്ഷണത്തിനും വളരെയേറെ പങ്കുണ്ട്. നല്ല ഭക്ഷണം കഴിച്ചാല്‍ നല്ല ചര്‍മം ലഭിക്കാനുള്ള സാധ്യത ഏറെയാണ്. ഗുണങ്ങള്‍ പലത്. ആരോഗ്യം നന്നാവും, പാര്‍ശ്വഫലങ്ങള്‍ ഉണ്ടാവുകയുമില്ല. ചര്‍മത്തിന് അത്യാവശ്യം വേണ്ട ചില ഭക്ഷണങ്ങളെക്കുറിച്ച് അറിയൂ.

സിട്രസ് അടങ്ങിയ പഴവര്‍ഗങ്ങള്‍ ആരോഗ്യത്തിന് നല്ലതാണ്. ഓറഞ്ച്, ചെറുനാരങ്ങ എന്നിവ ഭക്ഷണത്തില്‍ ഉള്‍പ്പെടുത്തുക. ചര്‍മകോശങ്ങളുടെ വളര്‍ച്ചക്കും കേടുപാടുകള്‍ തീര്‍ക്കുന്നതിനും ഇത് വളരെയേറെ ഗുണം ചെയ്യും.

മത്സ്യം. ഭക്ഷണത്തില്‍ ഇത് ഉള്‍പ്പെടുത്തുക. ഇതിലെ ഒമേഗ ത്രീ ഫാറ്റി ആസിഡുകള്‍ ചര്‍മത്തെ സംരക്ഷിക്കും.

ഇലക്കറികള്‍, പ്രത്യേകിച്ച് ചീര ചര്‍മത്തിന് വളരെ നല്ലതാണ്. ഇതിലെ ലൂട്ടീന്‍ എന്ന പദാര്‍ത്ഥം ചര്‍മത്തിലെ തുടിപ്പും മിനുപ്പും നില നിര്‍ത്തുന്നതിന് സഹായിക്കും.

തക്കാളിയും ചര്‍മത്തിന് വളരെ നല്ലതാണ്. ഇതിലെ ലൈകോഫീന്‍ ചര്‍മകോശങ്ങളെ സംരക്ഷിക്കുമെന്നു മാത്രമല്ലാ, സ്‌കിന്‍ ക്യാന്‍സര്‍ തടയുന്നതിന് സഹായകവുമാണ്.

തൈര് വയറിന് മാത്രമല്ലാ, ചര്‍മത്തിനും ചേര്‍ന്നൊരു ഭക്ഷണമാണ്. ചര്‍മത്തിന്റെ ആരോഗ്യത്തിനും തിളക്കത്തിനും ഇത് സഹായിക്കും.

ചര്‍മത്തിനും മുഖത്തിനും വ്യായാമവും ഗുണം ചെയ്യും. കണ്ണ്, നെറ്റി, കഴുത്ത്, ചുണ്ട് എന്നു വേണ്ട, മുഖത്തെ എല്ലാ അവയവങ്ങള്‍ക്കും ചേര്‍ന്ന വ്യായാമങ്ങളുണ്ട്.