ഹൈപ്പര്‍ പിഗ്മെന്റേഷന് പരിഹാരം

ഹൈപ്പര്‍ പിഗ്മെന്റേഷന്‍ സൗന്ദര്യത്തിനു മേല്‍ വീഴുന്ന കറയെന്നു വേണമെങ്കില്‍ പറയാം. മെലനിന്‍ ചര്‍മത്തിനടിയില്‍ കൂടുമ്പോള്‍ ഈ ഭാഗം കറുത്തു നിറമാകുന്നതാണ് ഹൈപ്പര്‍ പിഗ്മെന്റേഷന്‍ എന്നതുകൊണ്ട് ഉദ്ദേശിക്കുന്നത്.

വെയിലേല്‍ക്കുന്നതിന് പുറമെ മുഖക്കുരു, പ്രായക്കൂടുതല്‍, ഹോര്‍മോണ്‍ പ്രശ്‌നങ്ങള്‍ എന്നിവയും ഇതിന് കാരണമാകും. ഹൈപ്പര്‍ പിഗ്മെന്റേഷന് വീട്ടില്‍ തന്നെ ചെയ്യാവുന്ന ചില പരിഹാരങ്ങളുമുണ്ട്. പ്രകൃതിദത്തമായ വഴികള്‍.

ബട്ടര്‍ ഫ്രൂട്ട് ഹൈപ്പര്‍ പിഗ്മെന്റേഷന് പറ്റിയ നല്ലൊരി പരിഹാരമാണ്. ഇതിലെ ഫാറ്റി ആസിഡ്, വൈറ്റമിന്‍ ഇ എന്നിവയാണ് ഈ ഗുണം നല്‍കുന്നത്. ബട്ടര്‍ ഫ്രൂട്ടിന്റെ കഴമ്പും അല്‍പം പാലും ചേര്‍ത്ത് മുഖത്തു പുരട്ടി അല്‍പം കഴിയുമ്പോള്‍ കഴുകിക്കളയുക.

ബദാം അരച്ച് പാല്‍, തേന്‍ എന്നിവയില്‍ കലര്‍ത്തി മുഖത്തു തേയ്ക്കുന്നതും ഹൈപ്പര്‍ പിഗ്മെന്റേഷന്‍ മാറാന്‍ നല്ലതാണ്.

ഹൈപ്പര്‍ പിഗ്മെന്റേഷന്‍ ഉള്ള സ്ഥലത്ത് ചന്ദനമരച്ചിടുന്നത് നല്ലതാണ്. രക്തചന്ദനവും നല്ലതു തന്നെ. വരണ്ട ചര്‍മമുള്ളവര്‍ ചന്ദനം പാല്‍, തേന്‍ എന്നിവ ചേര്‍ത്ത് പുരട്ടണം.

ഹൈപ്പര്‍ പിഗ്മെന്റേഷന് കൊക്കോ ബട്ടറും നല്ലതാണ്. ചര്‍മത്തില്‍ ഈ പ്രശ്‌നം ഉള്ളിടത്ത് കൊക്കോ ബട്ടര്‍ പുരട്ടിയാല്‍ മതിയാകും.

അധികം വെയില്‍ കൊള്ളതിരിക്കുക, സണ്‍സ്‌ക്രീന്‍ ക്രീം ഉപയോഗിക്കുക തുടങ്ങിയ കാര്യങ്ങള്‍ ഹൈപ്പര്‍ പിഗ്മെന്റേഷന്‍ കുറയ്ക്കാന്‍ സഹായിക്കും.