മഴയും ചര്‍മസൗന്ദര്യവും

മഴ നനയുന്നത് പലര്‍ക്കും ഇഷ്ടമുള്ള കാര്യമായിരിക്കും. പ്രകൃതിയുടെ തണുപ്പറിഞ്ഞ്, നനഞ്ഞ മണ്ണിന്റെ മണം ശ്വസിച്ച്...
എന്നാല്‍ ഈ മഴവെള്ളം ചര്‍മത്തിലുണ്ടാക്കുന്ന വ്യത്യാസങ്ങളറിയുമോ,

മഴവെള്ളം പൊതുവെ ശുദ്ധമാണെന്നു പറയും. എന്നാല്‍ വല്ലാതെ അന്തരീക്ഷ മലിനീകരണമുള്ള സ്ഥലങ്ങളില്‍ ലഭിക്കുന്ന മഴവെള്ളം അത്ര ശുദ്ധമാണെന്നു പറയാനുമാവില്ല. നല്ല വെള്ളം മാത്രമാണ് ചര്‍മത്തിനും ഗുണം ചെയ്യുക.

ആദ്യമഴ നനയുന്നത് രസകരമായ അനുഭവമാണ്. എന്നാല്‍ ആദ്യത്തെ മഴയില്‍ മാലിന്യങ്ങള്‍ ഉണ്ടാകാനുള്ള സാധ്യതയും കൂടുതലാണ്. അതുകൊണ്ടു തന്നെ മഴ തുടങ്ങി ഒന്നുരണ്ടു ദിവസങ്ങള്‍ കഴിഞ്ഞുള്ള മഴ കൊള്ളുന്നതാണ് ചര്‍മത്തിനും മുടിക്കും നല്ലത്.

മുഖത്ത് മഴ നനയുമ്പോള്‍ വാട്ടര്‍പ്രൂഫ് ക്രീമുകള്‍ പുരട്ടുന്നത് നന്നായിരിക്കും. മഴയില്‍ ഏതെങ്കിലും തരത്തിലുള്ള കെമിക്കലുകളുണ്ടെങ്കില്‍ ഇത് പോയിക്കിട്ടും.

മഴ വല്ലാത്ത ശക്തിയില്‍ ചര്‍മത്തിലേക്കു പതിക്കുന്നത് ചര്‍മകോശങ്ങള്‍ക്ക് നല്ലതല്ല. ഇക്കാര്യം മനസില്‍ വച്ചു വേണം മഴ നനയാന്‍.

മഴ പൊതുവെ മനസിന് സന്തോഷം നല്‍കുമെന്നു പറയും. ഇത് മുഖത്തും പ്രതിഫലിക്കും. മഴ നനഞ്ഞാല്‍ സൗന്ദര്യം കൂടുമെന്നും വേണമെങ്കില്‍ പറയാം.