തിളങ്ങും ചര്‍മം വേണോ?

Skin Care

oi-Saritha

By Veena

Updated: Thursday, July 5, 2012, 5:35 [IST]

ചര്‍മത്തിന്റെ തിളക്കവും മിനുപ്പും സൗന്ദര്യത്തിന് മാറ്റേകുന്നുവെന്ന കാര്യത്തില്‍ സംശയം വേണ്ട. ഇതിന് പ്രകൃതിദത്ത മാര്‍ഗങ്ങള്‍ പലതുണ്ട്. പ്രത്യേകിച്ചും നല്ല ഭക്ഷണങ്ങള്‍. ഇവ ഉള്ളില്‍ നിന്നും ചര്‍മഭംഗിയെ വര്‍ദ്ധിപ്പിക്കുകയും ചെയ്യുന്നു.

പപ്പായ, പീച്ച്, ക്യാരറ്റ്, ഇലക്കറികള്‍ എന്നിവ വൈറ്റമിന്‍ എ അടങ്ങിയ ഭക്ഷണങ്ങളാണ്. ഇവ കഴിക്കുന്നത് പ്രതിരോധ ശേഷി വര്‍ദ്ധിപ്പിക്കുക മാത്രമല്ലാ, ചര്‍മത്തിന് സംരക്ഷണം നല്‍കുകയും ചെയ്യും.

ചെറുനാരങ്ങ, ഓറഞ്ച്, പേരയ്ക്ക തുടങ്ങിയവ ചര്‍മത്തിലെ കൊളാജന്‍ തോത് വര്‍ദ്ധിപ്പിക്കുന്നു. ഇത് ചര്‍മം അയഞ്ഞു തൂങ്ങാതിരിക്കാനും ഇങ്ങനെ പ്രായക്കുറവു തോന്നിക്കാനും കാരണമാകുന്നു.

തക്കാൡും ചര്‍മസൗന്ദര്യത്തിന് വളരെയേറെ ഗുണം ചെയ്യും. ഇതിലെ ലൈകോഫീന്‍ എന്ന ആന്റി ഓക്‌സിഡന്റ് ചര്‍മകോശങ്ങള്‍ കേടാകാതെ സൂക്ഷിക്കുന്നു.

തവിട് കളയാത്ത ധാന്യങ്ങള്‍, ബദാം, വാള്‍നട്ട് എന്നിവ വൈറ്റമിന്‍ ഇ ധാരാളം അടങ്ങിയവയാണ്. ഇത് ചര്‍മം മൃദുവാക്കും.

വെള്ളം സൗന്ദര്യസംരക്ഷണത്തിന് വളരെ പ്രധാനം. വെള്ളം കുടിയ്ക്കുന്നത് ശരീരത്തിലെ വിഷവസ്തുക്കളെ പുറന്തള്ളും. ഇത് ചര്‍മസൗന്ദര്യം വര്‍ദ്ധിപ്പിക്കുയും ചെയ്യും.

ചായ, കാപ്പി ശീലങ്ങള്‍ കഴിവതും കുറയ്ക്കുക. ഇവ ചര്‍മത്തെ വരണ്ടതാക്കും. ഇതിന് പകരം ഗ്രീന്‍ ടീ കുടിയ്ക്കുന്നത് നല്ലതാണ്. ഇതിലെ ആന്റി ഓക്‌സിഡന്റുകള്‍ ചര്‍മാരോഗ്യത്തെ സഹായിക്കും.

വ്യായാമം വളരെ പ്രധാനം. ഇത് രക്തപ്രവാഹത്തെ സഹായിക്കും. ചര്‍മസൗന്ദര്യത്തിന് ശരിയായ രീതിയിലുള്ള രക്തപ്രവാഹം വളരെ അത്യാവശ്യമാണ്.