മുഖക്കുരു അകറ്റാന്‍ സിറം തെറാപ്പി

Published: Wednesday, June 27, 2012, 5:20 [IST]

മുഖക്കുരു പലരുടേയും, പ്രത്യേകിച്ച് ടീനേജിനെ അലട്ടുന്ന ഒരു പ്രധാന സൗന്ദര്യപ്രശ്‌നമാണ്.

മുഖക്കുരുവിനുള്ള ചികിത്സയാണ് സിറം തെറാപ്പി. അമിതായമായി മുഖക്കുരുവുള്ളവര്‍ക്ക് ഈ മാര്‍ഗം പരീക്ഷിക്കാം.

സിറം തെറാപ്പി തനിയെ ചെയ്യാനാവില്ല. ബ്യൂട്ടി പാര്‍ലറുകളില്‍ ഇതിനുള്ള ചികിത്സ ലഭ്യമാണ്.

നാലു ഘട്ടങ്ങളിലായാണ് സിറം തെറാപ്പി ചെയ്യുക. ആദ്യഘട്ടത്തില്‍ സിറം വണ്‍ കൊണ്ട് മുഖത്തു മസാജ് ചെയ്യുക. ഇതിന് ശേഷം മുഖം പല പ്രാവശ്യം തുടച്ചു വൃത്തിയാക്കണം.

മുഖം നല്ലപോലെ ഉണങ്ങിയ ശേഷം സിറം ടു പുരട്ടാം. ഇത് കണ്ണിലോ കണ്ണിനടിയിലോ ആകാതെ ശ്രദ്ധിക്കുക. കണ്ണിനും ചുറ്റും പഞ്ഞി വയ്ക്കുന്നതു നന്നായിരിക്കും. ചര്‍മത്തിലെ മൃതകോശങ്ങള്‍ അകറ്റാന്‍ സിറം ടു സഹായിക്കും.

രണ്ടു മൂന്നു മിനിറ്റ് കഴിഞ്ഞ് സിറം മൂന്ന് പുരട്ടാം. ഇത് ന്യൂട്രലൈസര്‍ സിറം എന്നും അറിയപ്പെടുന്നുണ്ട്. രണ്ടു മിനിറ്റ് കഴിഞ്ഞാല്‍ കോള്‍ഡ് കംപ്രഷന്‍ സ്േ്രപ ചെയ്യണം. മുഖത്തു നീറ്റലോ മറ്റോ ഉണ്ടെങ്കില്‍ മാറാന്‍ ഇത് സഹായിക്കും.

പിന്നീട് സിറം ഫോര്‍ അഥവാ കോള്‍ഡ് കംപ്രഷന്‍ മാസ്‌ക് പുരട്ടണം. അല്‍പസമയം കഴിഞ്ഞാല്‍ ഇത് തുടച്ച് മുഖത്ത് സണ്‍സ്‌ക്രീന്‍ പുരട്ടാം.

സിറം തെറാപ്പി ചെയ്യുമ്പോള്‍ മറ്റു സൗന്ദര്യവര്‍ദ്ധക മാര്‍ഗങ്ങള്‍ ഒന്നും ചെയ്യരുതെന്നതു പ്രധാനം. ഈ മാര്‍ഗം ഉപയോഗിച്ചാല്‍ മൂന്നു സിറ്റിങ്ങുകളില്‍ മുഖക്കുരു പാടെ മാറിക്കിട്ടും.