മുഖത്തെ ചുളിവുകള്‍ മറയ്ക്കാം

Published: Saturday, June 23, 2012, 16:40 [IST]

മുഖത്തെ ചുളിവുകള്‍ പലരുടേയും ഉറക്കം കെടുത്തുന്ന സൗന്ദര്യപ്രശ്‌നമാണെന്നു വേണമെങ്കില്‍ പറയാം. ചുളിവുകള്‍ പ്രായം കൂടുന്നതിനേയാണ് കാണിക്കുന്നച്. ചിലപ്പോള്‍ ചര്‍മപ്രശ്‌നങ്ങള്‍, പോഷകഗുണമുള്ള ഭക്ഷണത്തിന്റെ കുറവ് എന്നിവയും ഇത്തരം ചര്‍മപ്രശ്‌നങ്ങള്‍ക്ക് കാരണമാകും.

ചുളിവുകള്‍ക്ക് ധാരാളം ചികിത്സാ മാര്‍ഗങ്ങളുണ്ട്. എന്നാല്‍ പുറത്തേക്കു പോകുമ്പോഴോ എന്തെങ്കിലും ആഘോഷങ്ങളില്‍ പങ്കെടുക്കുക്കാനുള്ളപ്പോഴോ അല്‍പനേരത്തേക്കെങ്കിലും ചുളിവുകള്‍ മറഞ്ഞു പോയിരുന്നുവെങ്കില്‍ എ്ന്നു തോന്നുന്ന സന്ദര്‍ഭങ്ങളുണ്ട്.

താല്‍ക്കാലികമായി മുഖത്തെ ചുളിവുകള്‍ മറയ്ക്കാനുള്ള ചില വഴികള്‍ നോക്കൂ.

മുഖത്തെ ചുളിവുകള്‍ താല്‍ക്കാലികമായി മറയ്്ക്കാനുള്ള ഒരു വഴിയാണ് ആവി പിടിക്കുകയെന്നത്. 15 മിനിറ്റെങ്കിലും ആവി പിടിക്കുക. ഇതിന് ശേഷം നല്ല ക്രീം ഉപയോഗിച്ച് മുഖത്ത് മസാജ് ചെയ്യുകയുമാകാം. ഇതിനു ശേഷം നല്ല ഏതെങ്കിലും മോയിസ്ചറൈസന്‍ മുഖത്തു പുരട്ടാം.

ആവി പിടിക്കുമ്പോള്‍ മുഖത്തെ ചുളിവുകള്‍ മാത്രമല്ലാ, മുഖത്തിന് നല്ല തിളക്കം ലഭിക്കുകയും ചെയ്യും. രണ്ടാഴ്ച കൂടുമ്പോള്‍ മുഖത്ത് ആവി പിടിക്കുന്നത് മുഖത്തെ ചുളിവുകള്‍ അകറ്റും.

രണ്ടു മൂന്നു സ്പൂണ്‍ കടലമാവെടുത്ത് ഇതില്‍ ഒരു സ്പൂണ്‍ തേന്‍ ചേര്‍ക്കുക. ഇത് മുഖത്തു പുരട്ടി അരമണിക്കൂര്‍ കഴിഞ്ഞ് കഴുകിക്കളയണം. എണ്ണമയമുള്ള ചര്‍മത്തിന് പറ്റിയ ഏറ്റവും നല്ല ഫേസ് പായ്ക്കാണിത്.

പയര്‍ വര്‍ഗങ്ങള്‍ പൊടിച്ചതും മുഖത്തെ ചുളിവുകള്‍ അകറ്റുവാന്‍ നല്ലതാണ്. ഇവ പൊടിച്ച് ഇതില്‍ പാല്‍ ചേര്‍ത്ത് മുഖത്തു പുരട്ടാം. ഉണങ്ങിക്കഴിഞ്ഞാല്‍ അ്ല്‍പം തണുത്ത വെള്ളം മുഖത്തു പുരട്ടി പതുക്കെ സ്‌ക്രബ് ചെയ്യുക. പിന്നീട് ഇത് തണുത്ത വെള്ളം കൊണ്ട് കഴുകിക്കളയാം.

കൡമണ്ണു കൊണ്ടുള്ള ഫേസ് പായ്ക്കുകളും മുഖത്തെ ചുളിവുകള്‍ അകറ്റാന്‍ നല്ലതാണ്. കളിമണ്ണിനു പകരം മുള്‍ത്താണി മിട്ടി കൊണ്ടുള്ള ഫേസ് പായ്ക്കുകളും മുഖത്തെ ചുളിവുകള്‍ മറയ്ക്കാന്‍ സഹായിക്കും.

കോണ്‍ഫ്‌ളോര്‍ ഉപയോഗിച്ചും നല്ല ഫേസ്പായ്ക്കുണ്ടാക്കാം. കോണ്‍ഫ്‌ളോറില്‍ അല്‍പം തേനും പാലും ചേര്‍ത്ത് മുഖത്തു പുരട്ടി ഉണങ്ങിക്കഴിയുമ്പോള്‍ കഴുകിക്കളയാം. ഇതും താല്‍ക്കാലികമായി ചുളിവുകള്‍ മറയ്ക്കും.