കയ്ക്കും, മധുരിപ്പിക്കും ഫേയ്‌സ് പായ്ക്കുകള്‍

Skin Care

oi-Saritha

By Veena

Published: Friday, June 8, 2012, 15:20 [IST]

സാധാരണ ഗതിയിലുള്ള സൗന്ദര്യസംരക്ഷണമാര്‍ഗങ്ങള്‍ തലമുറകളായി നമുക്ക് അറിയുന്നവ തന്നെയാണ്. എന്നാല്‍ കേട്ട് അത്ര ശീലമില്ലാത്ത സൗന്ദര്യസംരക്ഷണ വഴികളുമു ്. ചില വിചിത്രമായ ഫേസ് പായ്ക്കുകള്‍ നോക്കൂ.

പാവയ്ക്ക കയ്പുള്ള, ഇരുമ്പു നിറഞ്ഞ ഭക്ഷണപദാര്‍ത്ഥമെന്നേ അറിയുന്നു ാകൂ. എന്നാല്‍ ഇത് നല്ലൊന്നാന്തരം ഫേസ് പായ്ക്കു കൂടിയായി ഉപയോഗിക്കാം. പാവയ്ക്കയും ഓറഞ്ചിന്റെ തൊലിയും കൂട്ടിച്ചേര്‍ത്താല്‍ നല്ലൊരു ഫേസ് സ്‌ക്രബറായി. ഓറഞ്ച് തൊലി വെയിലത്തു വച്ച് ഉണക്കുക. പാവയ്ക്കയുടെ കുരു കളഞ്ഞ കഷ്ണങ്ങളും ഓറഞ്ച് തൊലിയും ചേര്‍ത്ത് അരച്ച് മുഖത്തിടാം. ഉണങ്ങിയ ശേഷം കഴുകിക്കളയുക.

പാവയ്ക്ക ഇട്ടു തിളപ്പിച്ച വെള്ളം മുഖം കഴുകാനും നല്ലതാണ്.

പാവയ്ക്ക പകുതി വേവിച്ച ശേഷം കുക്കുമ്പറുമായി ചേര്‍ത്ത് അരയ്ക്കുക. ഇത് മുഖത്തിട്ട് പത്തു മിനിറ്റ് കഴിഞ്ഞ് കഴുകിക്കളയാം.

ആര്യവേപ്പിലയ്ക്കും കയ്പാണ്. ഇതും നല്ല ഫേസ് പായ്ക്കാക്കാം. പച്ചമഞ്ഞളും ആര്യവേപ്പിലയും ചേര്‍ത്ത് അരയ്ക്കുക. ഇത് മുഖത്തിടുന്നത് മുഖക്കുരു മാറ്റാന്‍ നല്ലതാണ്.

ചിക്കന്‍പോക്‌സ് വന്ന പാടുകള്‍ മുഖത്തു നിന്നു പോകാനും ഈ പായ്ക്ക് നല്ലതു തന്നെ.

ആര്യവേപ്പില തുളസിയിലയുമായി ചേര്‍ത്തും ഫേസ് പായ്ക്കുണ്ടാക്കാം. ഇവ രണ്ടും തുല്യ അളവിലെടുത്ത് അരച്ച് അല്‍പം പാല്‍ ചേര്‍ത്ത് മുഖത്തിടാം. ഉണങ്ങിയ ശേഷം കഴുകിക്കളയാം.

ഇത്തരം ഫേസ് പായ്ക്കുകള്‍ പ്രകൃതിദത്ത മാര്‍ഗങ്ങള്‍ ഉപയോഗിച്ച് ഉണ്ടാക്കുന്നതു കൊണ്ട് ചര്‍മത്തിന് ദോഷം വരുത്തില്ല എന്നൊരു ഗുണം കൂടിയുണ്ട്.