ചര്‍മത്തില്‍ നിറവ്യത്യാസമോ?

Skin Care

oi-Saritha

By Veena

Published: Tuesday, June 5, 2012, 16:15 [IST]

സ്ത്രീകളുടെ ചര്‍മത്തിന് ചില പ്രത്യേക സമയങ്ങളില്‍ നിറംവ്യത്യാസം വരാറുണ്ട്. ഗര്‍ഭകാലം, മെനോപോസ് തുടങ്ങിയ സമയങ്ങളിലാണ് പ്രധാനമായും ഇത്തരം നിറം വ്യത്യാസം വരാറ്.

ചിലരുടെ ചര്‍മത്തില്‍ തവിട്ടു നിറത്തിലുള്ള കുത്തുകളും പ്രത്യക്ഷപ്പെടാറുണ്ട്.

ഇത്തരം നിറംവ്യത്യാസങ്ങള്‍ക്ക് വീട്ടില്‍ തന്നെ ചെയ്യാവുന്ന ചില പരിഹാരമാര്‍ഗങ്ങളുമുണ്ട്.

ചര്‍മത്തില്‍ നിറവ്യത്യാസം വന്ന സ്ഥലത്ത് പഴുത്ത പപ്പായ, തേന്‍, ചെറുനാരങ്ങാനീര് എന്നിവ ചേര്‍ത്ത് പുരട്ടുക.

വെള്ളരിക്കയുടെ നീര് ഇത്തരം പാടുകളും നിറവ്യത്യാസവും മാറ്റാന്‍ നല്ലതാണ്. വെള്ളരിക്കാ നീരും പുളിച്ച തൈരും ചേര്‍ത്ത് പുരട്ടുന്നതും ഗുണം ചെയ്യും.

പൈനാപ്പിളിന്റെ നീരെടുത്ത് നാളികേരവെള്ളത്തില്‍ ചേര്‍ത്ത് പാടുള്ള ഭാഗത്ത് പുരട്ടുക.

ബാര്‍ലി പൊടിച്ച് ചെറുനാരങ്ങാ നീര്, തേന്‍ എന്നിവ ചേര്‍ത്ത് പാടുള്ള ഭാഗങ്ങളില്‍ പുരട്ടുന്നത് ഗുണം ചെയ്യും.

പുളിച്ച തൈരില്‍ മഞ്ഞള്‍പ്പൊടി കലക്കി പാടുള്ള ഭാഗത്ത് പുരട്ടിയാല്‍ ഗുണം ചെയ്യും.