വേനല്‍ തോറ്റേ, സൗന്ദര്യം ജയിച്ചേ

Skin Care

oi-Saritha

By Veena

Published: Thursday, May 31, 2012, 16:41 [IST]

വേനലില്‍ സൗന്ദര്യസംരക്ഷണമാര്‍ഗങ്ങള്‍ ഒഴിവാക്കാന്‍ പറ്റില്ലെന്നതാണ് സത്യം. കാരണം വേനല്‍ ചര്‍മത്തെയും സൗന്ദര്യത്തെയു ഒരുപോലെ കരുവാളിപ്പിക്കും.

വേനലില്‍ പുറത്തു പോകുമ്പോള്‍ എപ്പോഴും സണ്‍സ്‌ക്രീന്‍ ലോഷനുകള്‍ മുഖത്തു പുരട്ടുക. പുറത്തിറങ്ങുന്നതിന് അരമണിക്കൂര്‍ മുന്‍പെങ്കിലും സണ്‍സ്‌ക്രീന്‍ മുഖത്തു പുരട്ടണം.

ദിവസവും രണ്ടു നേരമെങ്കിലും കുളിയ്ക്കുക. കുളിയ്ക്കുന്ന വെള്ളത്തില്‍ അല്‍പം യൂഡികൊളോണോ ചെറുനാരങ്ങാനീരോ പനിനീരോ ഒഴിക്കുന്നത് ഗുണം ചെയ്യും.

വേനല്‍ക്കാലത്ത് മുഖത്തും ദേഹത്തും കുരുക്കള്‍ ഉണ്ടാകാനുള്ള സാധ്യത കൂടുതലാണ്. സോപ്പ് ഒഴിവാക്കി ചെറുപയര്‍ പൊടി ഉപയോഗിക്കാം.

വെള്ളം, ജ്യൂസുകള്‍ എന്നിവ ധാരാളം കുടിയ്ക്കുക. ശരീരത്തില്‍ നിന്ന് നഷ്ടപ്പെടുന്ന ജലം ചര്‍മത്തെ വരണ്ടതാക്കും. ചുളിവു വീഴ്ത്താനും ഇട വരുത്തും. വെള്ളവും ജ്യൂസും ഈ പ്രശ്‌നം പരിഹരിക്കും.

മുടി ദിവസവും കഴുകുക. വേനല്‍ക്കാലത്ത് അധികം എണ്ണ തലയില്‍ പുരട്ടാതിരിക്കുകയാണ് നല്ലത്. മുടിയില്‍ കൂടുതല്‍ അഴുക്കാകാന്‍ ഇത് ഇട വരുത്തും. മുടി വീര്യം കുറഞ്ഞ ഷാംപൂ, താളി എന്നിവ ഉപയോഗിച്ച് കഴുകാം.

ചൂടുകാലത്ത് മേക്കപ്പ് കഴിവതും കുറയ്കുകന്നതാണ് നല്ലത്. മേക്കപ്പിടുകയാണെങ്കില്‍ ഇതിന് മുന്‍പ് ഒരു ചെറിയ കഷ്ണം ഐസ് കൊണ്ട് മുഖം മസാജ് ചെയ്യുക. മേക്കപ്പിട്ടാല്‍ അധികം വിയര്‍ത്തൊലിക്കാതിരിക്കാന്‍ ഇത് സഹായിക്കും.

അയഞ്ഞ കോട്ടന്‍ വസ്ത്രങ്ങള്‍ മാത്രം ഉപയോഗിക്കുക. ചര്‍മസൗന്ദര്യത്തിന് വായുപ്രവാഹവും അത്യാവശ്യമാണ്.