സിംപിള്‍ ബ്യൂട്ടി ട്രിക്‌സ്

Skin Care

oi-Saritha

By Veena

Published: Tuesday, May 29, 2012, 15:19 [IST]

സൗന്ദര്യം വേണമെന്ന് ആഗ്രഹിക്കാത്തവരില്ല. എന്നാല്‍ ഇതിന് വേണ്ടി കഷ്ടപ്പെടാന്‍ മിക്കവാറും ആളുകള്‍ക്ക് മടിയാണ്. സൗന്ദര്യത്തിനായുള്ള ചില സിംപിള്‍ സൂത്രങ്ങളിതാ,

മുടി കൊഴിച്ചില്‍ പ്രശ്‌നമാകുന്നെങ്കില്‍ വഴിയുണ്ട്. ബദാം, ഒലീവ് ഓയിലുകള്‍ കൂട്ടിച്ചേര്‍ത്ത് തലയോടില്‍ പുരട്ടി മസാജ് ചെയ്യുക. പത്തു പതിനഞ്ച് മിനിറ്റ് കഴിഞ്ഞ് കഴുകിക്കളയാം. മുടി കൊഴിച്ചില്‍ മാറും. മുടി വളരും. മുടിയുടെ ആരോഗ്യവും തിളക്കവും വര്‍ദ്ധിക്കുകയും ചെയ്യും.

ഉറപ്പുള്ള ചര്‍മം പ്രായക്കുറവിനുള്ള പ്രധാന ഘടകമാണ്. മുട്ടവെള്ള നല്ലപോലെ പതപ്പിച്ച് അതില്‍ അല്‍പം പഞ്ചസാര ചേര്‍ത്ത് മുഖത്തു പുരട്ടുക. 15 മിനിറ്റ് കഴിഞ്ഞ് കഴുകിക്കളയാം. ഇത് മുഖത്തെ ചുളിവുകള്‍ മാറ്റുകയും ചര്‍മം മിനുസമുള്ളതാക്കുകയും ചെയ്യും.

ബദാം അരച്ചതില്‍ അല്‍പം തേനും ചെറുനാരങ്ങാ നീരും ചേര്‍ത്ത് മുഖത്തും കഴുത്തിലും സ്‌ക്രബ് ചെയ്യുക. പ്രകൃതിദത്തമായ നല്ലൊന്നാന്തരം സ്‌ക്രബറാണ് ഇത്.

തക്കാളി മുറിച്ച് മുഖത്ത് ഉരസുക. മുഖചര്‍മം മിനുസമുള്ളതാകും. മുഖത്തെ അഴുക്ക് നീങ്ങി ചര്‍മം കൂടുതല്‍ വൃത്തിയാവുകയും ചെയ്യും.

കണ്‍തടത്തിലെ കറുപ്പു മാറാന്‍ ഉരുളക്കിങ്ങ്, അല്ലെങ്കില്‍ വെള്ളരിക്ക വട്ടത്തില്‍ മുറിച്ച് കണ്ണിന് മുകളില്‍ വയ്ക്കുക.

പാലില്‍ അല്‍പം കടലമാവ് കലക്കി മുഖത്തു പുരട്ടുക. ഉണങ്ങിക്കഴിഞ്ഞാല്‍ ഇളം ചൂടുവെള്ളം ഉപയോഗിച്ച് കഴുകിക്കളയാം. ഇത് മുഖചര്‍മത്തിലെ എണ്ണമയവും അഴുക്കും അകറ്റും.

മുഖത്ത് ദിവസവും ബദാം, ഒലീവ് ഓയിലുകള്‍ കൂട്ടിച്ചേര്‍ത്ത് പുരട്ടുക. പത്തു മിനിറ്റ് കഴിഞ്ഞ് കഴുകിക്കളയാം. മുഖത്തിന് നല്ലപോലെ മിനുസമുണ്ടാകും.