സൗന്ദര്യം വെള്ളത്തിലൂടെ....

Published: Monday, May 28, 2012, 17:13 [IST]

സൗന്ദര്യം ആഗ്രഹിക്കാത്തവരുണ്ടോ. സൗന്ദര്യത്തിനും വേണ്ടി ബ്യൂട്ടി പാര്‍ലറുകള്‍ കയറിയിറങ്ങുന്നവരും കാണുന്നതെല്ലാം മുഖത്തു വാരിപ്പൂശുന്നവരും ധാരാളം. എന്നാല്‍ ഇതുകൊണ്ടൊക്കെ വല്ല പ്രയോജനവുമുണ്ടാകുന്നുണ്ടോ.

ധാരാളം വെള്ളം കുടിയ്ക്കുക. ദിവസവും എട്ടു ഗ്ലാസ് വെള്ളത്തിന്റെ കണക്കു മറന്നേക്കൂ. ഓരോരുത്തര്‍ക്കും ആവശ്യമുള്ള വെള്ളത്തിന്റെ ഏകദേശ കണക്ക് അവനവനു തന്നെ തിരിച്ചറിയാന്‍ സാധിക്കും.

ചര്‍മം എപ്പോഴും മോയിസ്ചറൈസര്‍ പുരട്ടി സൂക്ഷിക്കാന്‍ ശ്രദ്ധിക്കുക. വരണ്ട ചര്‍മം പ്രായക്കൂടുതലും തോന്നിക്കും.

സണ്‍സ്‌ക്രീന്‍ ഉപയോഗിക്കുക. അള്‍ട്രാവയലറ്റ് രശ്മികള്‍ ചര്‍മത്തിന് കരുവാളിപ്പും ക്യാന്‍സര്‍ അടക്കമുള്ള രോഗങ്ങളും ഉണ്ടാക്കും. മഴയാണെങ്കിലും ഇത് ഉപയോഗിക്കാന്‍ മറക്കരുത്. പുറത്തിറങ്ങുന്നതിന് 15 മിനിറ്റു മുന്‍പെങ്കിലും ഇതിടുന്നതാണ് ചര്‍മത്തിന് നല്ലത്.

മുഖത്തെ പോലെ തന്നെ കൈകാലുകളുടേയും കഴുത്തിന്റെയും സൗന്ദര്യം സംരക്ഷിക്കുക. സൗന്ദര്യം മുഖത്തിന്റേത് മാത്രമല്ല.

വ്യായാമം ശരീര, ചര്‍മ സൗന്ദര്യത്തിന് പ്രധാനമാണ്. വണ്ണം കുറയുവാന്‍ മാത്രമല്ലാ, രക്തപ്രവാഹം വര്‍ദ്ധിക്കാനും ശരീരത്തിന് കൂടുതല്‍ ഓക്‌സിജന്‍ ലഭിക്കാനും ഇത് സഹായിക്കുന്നു. ഇത് ചര്‍മത്തിനും നല്ലതാണ്.

പോഷകഗുണമുള്ള ഭക്ഷണങ്ങള്‍ കഴിയ്‌ക്കേണ്ടത് പ്രധാനം. ആന്റി ഓക്‌സിഡന്റുകളും വൈറ്റമിന്‍ എ, ഇ, സി അടങ്ങിയ ഭക്ഷണങ്ങളും ഭക്ഷണത്തില്‍ ഉള്‍പ്പെടുത്തുക.

എപ്പോഴും സന്തോഷമായിരിക്കുക. ടെന്‍ഷന്‍ ഒഴിവാക്കുക. ഇതിന്റെ പ്രകാശം മുഖത്തും കാണാം.