നീന്തിയാല്‍ ചര്‍മം കറുക്കുന്നുവോ?

Skin Care

oi-Saritha

By Veena

Published: Thursday, May 24, 2012, 12:34 [IST]

നീന്തുന്നത് നല്ലൊരു വ്യായാമമാണ്. ശരീരത്തിന്റെ മിക്കവാറും എല്ലാ ഭാഗങ്ങള്‍ക്കും ഒരുപോലെ ഫലപ്രദമായ വ്യായാമം. എന്നാല്‍ നീന്തുമ്പോള്‍ പലരുടേയും ശരീരത്തിലും മുഖത്തും ടാനുണ്ടാകുന്നതാണ് വലിയ പ്രശ്‌നം. പ്രത്യേകിച്ചും വേനല്‍ക്കാലത്ത്.

വെള്ളത്തിലെ ക്ലോറിനാണ് മിക്കപ്പോഴും പ്രശ്‌നമാകുന്നത്. ക്ലോറിന്‍ ശരീരം വരണ്ടതാക്കുകയും ടാനുണ്ടാക്കുകയും ചെയ്യും. നീന്തിക്കഴിഞ്ഞാല്‍ ഉടന്‍ ഇളം ചൂടുള്ള വെള്ളത്തില്‍ കുളിയ്ക്കുന്നത് വളരെ ഗുണം ചെയ്യും. മോയിസ്ചറൈസര്‍ കലര്‍ന്ന സോപ്പുപയോഗിച്ച് ശരീരത്തിലെ ക്ലോറിന്‍ നല്ലപോലെ കഴുകിക്കളയുകയും വേണം.

കുളി കഴിഞ്ഞാല്‍ ശരീരത്തിലെ ഈര്‍പ്പം പോകുന്നതിന് മുന്‍പു തന്നെ ഏതെങ്കിലും നല്ല മോയിസ്ചറൈസര്‍ പുരട്ടുക. ഇത് ശരീരത്തിലെ വരള്‍ച്ച മാറ്റും. ടാന്‍ അകലാനും ഇത് നല്ലതാണ്.

നീന്തുന്നതിന് മുന്‍പ് വാട്ടര്‍ പ്രൂഫ് സണ്‍സ്‌ക്രീന്‍ ലോഷന്‍ പുരട്ടുന്നത് നല്ലതാണ്. ടാന്‍ കുറയ്ക്കാന്‍ ഇത് സഹായിക്കും.

പഴം കൊണ്ടുള്ള ഫേസ്, ബോഡി പായ്ക്കുകള്‍ പാടുകള്‍ അകറ്റുന്നതിന് വളരെ സഹായകയമാണ്. ഇവ ശരീത്തിലും മുഖത്തും ഉപയോഗിക്കാം.

ഉരുളക്കിഴങ്ങും ടാന്‍ പോകുവാന്‍ നല്ലതാണ്. ഉരുളക്കിഴങ്ങിന്റെ തൊലി കളഞ്ഞ് കനം കുറച്ച് വട്ടത്തില്‍ മുറിച്ച് ടാനായ ഭാഗത്ത് ഉരസുക. കറുപ്പു നിറം പോകാന്‍ ഇതും നല്ലതാണ്.

വൈറ്റമിന്‍ ഇ, വൈറ്റമിന്‍ സി എന്നിവ അടങ്ങിയ ഭക്ഷണങ്ങള്‍ ധാരാളം കഴയ്ക്കുക. ചര്‍മത്തിന് ഇവ നല്ലതാണ്. ചര്‍മത്തിന് നിറം നല്‍കാനും പാടുകള്‍ അകറ്റാനും ഇത് സഹായിക്കും.