ഉപ്പുറ്റി വിണ്ടു കീറുന്നത് ഒഴിവാക്കാം

Skin Care

oi-Saritha

By Veena

Published: Wednesday, May 23, 2012, 11:58 [IST]

ചില സുന്ദരിക്കുട്ടികളെ കണ്ടിട്ടില്ലേ. ആരു ആരാധനയോടെയും അല്‍പം അസൂയയോടെയും ഇവരെ നോക്കും. അടിതൊട്ട് മുടി വരെ. ഈ നോട്ടം കാല്‍പാദത്തിലെത്തുമ്പോള്‍ ചിലപ്പോള്‍ പലരുടേയും മുഖം ചുളിയും. വില്ലന്‍ വിണ്ടുപൊട്ടിയ ഉപ്പുറ്റിയും.

വേനല്‍,വര്‍ഷ ഭേദമില്ലാതെ പലര്‍ക്കും അസ്വസ്ഥതയുണ്ടാക്കുന്ന ചര്‍മപ്രശ്‌നമാണ് ഇതെന്നു വേണെമെങ്കില്‍ പറയാം. പ്രധാനമായും വരണ്ട ചര്‍മമാണ് ഇതിന് കാരണം. ശരീരം കൂടുതല്‍ വരണ്ടതാകുന്ന മഞ്ഞുകാലത്ത് ഉപദ്രവം കൂടും. ഇതിന് ചില പരിഹാരങ്ങളും വേണ്ടേ.

ചെറുചൂടുവെള്ളത്തില്‍ അല്‍പം ചെറുനാരങ്ങാനീര്, ഉപ്പ് എന്നിവ കലര്‍ത്തി അല്‍പസമയം കാല്‍ ഇതിലിറക്കി വയ്ക്കുക. പിന്നീട് തുടച്ച് ഏതെങ്കിലും മോയിസ്ചറൈസര്‍ പുരട്ടാം.

അധികം വീര്യമില്ലാത്ത ഷാംപൂവും മുകളില്‍ പറഞ്ഞ രീതിയില്‍ വെള്ളത്തില്‍ കലര്‍ത്തി ഉപയോഗിക്കാം.

തേനും ചെറുനാരങ്ങാനീരും ചെറുചൂടുള്ള വെള്ളത്തില്‍ കലര്‍ത്തിയും ഈ രീതി പരീക്ഷിക്കാം. തേന്‍ നല്ലൊരു മോയിസ്ചറൈസറിന്റെ ഗുണം ചെയ്യുന്നു. ചര്‍മം മൃദുവാകാനും സഹായിക്കും.

ചൂടുവെള്ളത്തില്‍ അല്‍പം ബേക്കിംഗ് സോഡ കലര്‍ത്തിയും കാല്‍പാദങ്ങള്‍ വൃത്തിയാക്കാം. ബേക്കിംഗ് സോഡയുടെ അളവ് കൂടാതിരിക്കാന്‍ ശ്രദ്ധിക്കണം.

ദിവസവും ഉപ്പുറ്റി ഉരച്ചു വൃത്തിയാക്കാം. ഇങ്ങനെ ചെയ്യുമ്പോള്‍ കട്ടി കൂടിയ ചര്‍മം നഷ്ടപ്പെടും. ഇത് ഉപ്പുറ്റി വിണ്ടു കീറുന്നതും കുറയ്ക്കും. ഉപ്പുറ്റി ഉരച്ചു കഴുകാന്‍ പ്യൂമിക് സ്റ്റോണ്‍ നല്ലതാണ്.

എപ്പോഴും ചെരിപ്പ് ധരിക്കുക. സോക്‌സ് ധരിച്ചു നടക്കുന്നതും നല്ലതാണ്. എപ്പോഴും സോക്‌സ് ധരിക്കാന്‍ ബുദ്ധിമുട്ടുണ്ടെങ്കില്‍ രാത്രിയില്‍ കിടക്കുന്നതിന് മുന്‍പ് ഉപ്പുറ്റിയില്‍ ഏതെങ്കിലും മോയിസ്ചറൈസര്‍ പുരട്ടി സോക്‌സ് ധരിക്കാം.