സുന്ദരിയാക്കും ചില കാര്യങ്ങള്‍

Skin Care

oi-Saritha

By Veena

Published: Thursday, May 10, 2012, 14:39 [IST]

വെളുത്ത നിറം, പാടുകളോ കുരുക്കളോ ഇല്ലാത്ത ചര്‍മം. ഇതാഗ്രഹിക്കാത്തവരുണ്ടോ. ഇതിനായുള്ള ചില വഴികളിതാ,

മുഖചര്‍മം വൃത്തിയായി സൂക്ഷിക്കുകയെന്നത് പ്രധാനം. ദിവസവും മൂന്നോ നാലോ തവണ മുഖം കഴുകുക. ഉറങ്ങാന്‍ പോകുന്നതിന് മുന്‍പ് മുഖത്തെ മേക്കപ്പ് മുഴുവനായും മാറ്റിയിരിക്കണം. കിടക്കാന്‍ പോകുന്നതിന് മുന്‍പ് ഏതെങ്കിലും ക്രീം ഉപയോഗിച്ച് മുഖം മസാജ് ചെയ്യുന്നത് നന്നായിരിക്കും.

മുഖത്ത് ബ്ലാക്‌ഹെഡ്‌സ് വരുന്നത് തടയുന്നത് പ്രധാനം. പ്രധാനമായും മൂക്ക്, കവിള്‍, താടി എന്നിവിടങ്ങളിലാണ് ബ്ലാക്‌ഹെഡ്‌സ് വരുന്നത്. ഗുണമേന്മയുള്ള ഫേഷ്യല്‍ സ്‌ക്രബര്‍ ഉപയോഗിച്ച് ഈ ഭാഗങ്ങളുള്‍പ്പെടെ മൃദുവായി സ്‌ക്രബ് ചെയ്യുക. മുഖത്ത് ആവി പിടിക്കുന്നത് മുഖത്തെ സുഷിരങ്ങള്‍ തുറക്കാന്‍ സഹായിക്കും. ബ്ലാക്‌ഹെഡ്‌സ് പോലുള്ളവ ഒഴിവാക്കാനും ഇത് നല്ലതാണ്.

എണ്ണമയമുള്ള ചര്‍മത്തില്‍ മുഖക്കുരു, ബ്ലാക് ഹെഡ്‌സ് തുടങ്ങിയവ വരാനുള്ള സാധ്യത കൂടുതലാണ്. മുഖത്തു നിന്ന് എണ്ണമയം ഒഴിവാക്കുക. മുഖം ഇടയ്ക്കിടെ കഴുകുന്നത് നന്നായിരിക്കും. വേണമെങ്കില്‍ വീര്യം കുറഞ്ഞ ഫേസ് വാഷ് ഉപയോഗിക്കാം.

മുഖത്ത് പുരട്ടുന്ന ക്രീമുകളും ലോഷനുകളും എണ്ണമയം കുറഞ്ഞതായിരിക്കാന്‍ ശ്രദ്ധിക്കുക. എണ്ണമയം കൂടുതലുള്ള ക്രീമുകള്‍ ചര്‍മത്തില്‍ കൂടുതല്‍ അഴുക്കടിയാന്‍ കാരണമാകും. ഇത് ചര്‍മപ്രശ്‌നങ്ങള്‍ ഉണ്ടാക്കുകയും ചെയ്യും.

കഴിവതും അല്‍പകാലത്തേക്കെങ്കിലും ഒരേ തരം ക്രീമുകള്‍ ഉപയോഗിക്കുവാന്‍ ശ്രദ്ധിക്കണം. ഒരു മാസം ഒരു തരം, അടുത്ത മാസം മറ്റൊരു തരം എന്നിങ്ങനെ ക്രീമുകള്‍ ഉപയോഗിച്ചാല്‍ അത് ചര്‍മപ്രശ്‌നങ്ങളുണ്ടാക്കും.