സൗന്ദര്യത്തിന് പൊടിക്കൈകള്‍

Skin Care

oi-Saritha

By Veena

Published: Tuesday, May 8, 2012, 13:23 [IST]

സൗന്ദര്യം കൂട്ടാന്‍ ബ്യൂട്ടി പാര്‍ലറില്‍ തന്നെ പോകണമെന്നില്ല. വീട്ടിലും ചെയ്യാവുന്ന ചില പൊടിക്കൈകളുണ്ട്.

തേങ്ങാപ്പാല്‍ ചര്‍മത്തിന് വളരെ നല്ലതാണ്. കുളിക്കുന്ന വെള്ളത്തില്‍ രണ്ടു സ്പൂണ്‍ തേങ്ങാപ്പാല്‍ ചേര്‍ത്താല്‍ മതി, ചര്‍മത്തിളക്കം വര്‍ദ്ധിക്കും.

വെണ്ണ ചുണ്ടില്‍ പുരട്ടിയാല്‍ ചുണ്ടിന്റെ വരള്‍ച്ച മാറും. ചുണ്ട് മൃദുവാകുകയും ചെയ്യും. പാല്‍ തിളപ്പിക്കാതെ ചുണ്ടില്‍ പുരട്ടുന്നതും നല്ലതാണ്.

ഗ്ലിസറിനും ചെറുനാരങ്ങാനീരും കലര്‍ത്തി ഉപ്പുറ്റിയില്‍ പുരട്ടിയാല്‍ കാല്‍ വിണ്ടുകീറുന്നത് ഒഴിവാക്കാം.

തലയില്‍ താരന്റെ ശല്യം ഒഴിവാക്കാന്‍ അങ്ങാടി മരുന്നുകള്‍ വേണമെന്നില്ല. പുൡ തൈരില്‍ കടലമാവ് ചേര്‍ത്ത് തലയില്‍ പുരട്ടിയാല്‍ മതി.

കോളിഫഌവര്‍ നീരെടുത്ത് അരിമ്പാറയില്‍ പുരട്ടിയാല്‍ അരിമ്പാറയുടെ വലിപ്പം കുറയും.

തേനും ചെറുനാരങ്ങാനീരും മുഖത്തു പുരട്ടുന്നത് ചര്‍മത്തിളക്കവും നിറവും കൂട്ടാന്‍ സഹായിക്കും.

ദേഹത്തും മുഖത്തും കറുത്ത പാടുകളുണ്ടെങ്കില്‍ കളയാന്‍ ചെറുപയര്‍ പൊടിയോ കടലമാവോ പുരട്ടി കുളിച്ചാല്‍ മതി. ഇത് ചര്‍മത്തിന്റെ വരള്‍ച്ച കുറയ്ക്കുകയും ചെയ്യും.