സൗന്ദര്യം ഉറങ്ങാന്‍ പോകുമ്പോള്‍...

Skin Care

oi-Saritha

By Veena

Published: Tuesday, May 8, 2012, 14:20 [IST]

സൗന്ദര്യസംരക്ഷണം രാവിലെ മാത്രം പോരാ, ഉറങ്ങാന്‍ കിടക്കുമ്പോഴും ഇത് പ്രധാനം. ഉറങ്ങാന്‍ പോകുന്നതിന് മുന്‍പ് സൗന്ദര്യ, മുടി സംരക്ഷണത്തില്‍ ശ്രദ്ധിക്കേണ്ട ചില കാര്യങ്ങളുണ്ട്.

രാത്രി മേക്കപ്പ് മുഴുവന്‍ കഴുകിക്കളഞ്ഞ ശേഷം മാത്രമെ കിടക്കാവൂ. നല്ലപോലെ മുഖം കഴുകിയ ശേഷം കിടന്നുറങ്ങുക.

കിടക്കുവാന്‍ നേരം മോയിസ്ചറൈസര്‍ മുഖത്തു പുരട്ടി കിടക്കുന്നത് നല്ലതാണ്. ആന്റി ഓക്‌സിഡന്റ് കൂടി അടങ്ങിയ മോയിസ്ചറൈസറാണെങ്കില്‍ വളരെ നല്ലത്.

കണ്ണുകള്‍ക്ക് താഴെ ആന്റി ഏജനിംഗ് ക്രീം തേച്ചു കിടക്കുന്നതും നല്ലതാണ്. കണ്ണിനടിയില്‍ കറുപ്പുണ്ടെങ്കില്‍ ഇത് മാറ്റാനുള്ള ക്രീമുകള്‍ ലഭ്യമാണ്. ഇവ മിക്കവാറും കിടക്കാന്‍ നേരത്ത് പുരട്ടേണ്ടവയാണ്.

കിടക്കാന്‍ നേരം ആഴ്ചയില്‍ ഒരിക്കലെങ്കിലും ആവി പിടിക്കുന്നത് ഗുണം ചെയ്യും. അല്ലെങ്കില്‍ ഇളം ചൂടുള്ള വെള്ളം കൊണ്ട് മുഖം കഴുകുകയുമാകാം.

കിടക്കാന്‍ നേരം മുടിയുടെ കാര്യത്തിലും ശ്രദ്ധ വേണം. അഴുക്കായ മുടിയോടു കൂടി ഒരിക്കലും ഉറങ്ങാന്‍ കിടക്കരുത്. മുടി വൃത്തിയായി കഴുകിയ ശേഷം കിടക്കുക.

നനഞ്ഞ മുടി കെട്ടി വച്ചു കിടക്കരുത്. ഉണങ്ങിയ ശേഷം മാത്രം കെട്ടിവയ്ക്കുക. മുടി വല്ലാതെ മുറുക്കി കെട്ടി വയ്ക്കുകയുമരുത്. ഉച്ചിയില്‍ മുടി അധികം മുറുക്കമില്ലാതെ കെട്ടി വയ്ക്കാം.

മുടി ചീകി ജട മുഴുവന്‍ കളഞ്ഞതിന് ശേഷം കെട്ടിവയ്ക്കുക.

കിടക്കാന്‍ നേരം അല്‍പം വെളിച്ചെണ്ണ ചെറുചൂടോടെ തലയില്‍ മസാജ് ചെയ്ത് കിടക്കുന്നത് നല്ലതാണ്. വൈറ്റമിന്‍ ഇ ക്യാപ്‌സൂളുകള്‍ വാങ്ങി ഇവയിലെ ഓയിലുപയോഗിച്ചും മസാജ് ചെയ്യാം.