സൗന്ദര്യം കൂട്ടും ചില വഴികള്‍

ഒാട്‌സ് പൊടിച്ച് തൈരില്‍ ചേര്‍ക്കുക. ഇതിലേക്ക് തക്കാളി പേസ്റ്റും ചേര്‍ക്കുക. ഇത് മുഖത്തു പുരട്ടാം. ഉണങ്ങിക്കഴിഞ്ഞ് കഴുകിക്കളയാം. സണ്‍ടാന്‍ മാറാന്‍ ഇത് വളറെ നല്ലതാണ്.

ഒരു സ്പൂണ്‍ പാല്‍പ്പൊടിയിലേക്ക് ഒരു സ്പൂണ്‍ ചെറുനാരങ്ങാനീര് ചേര്‍ക്കുക. അല്‍പം തേനും ബദാം ഓയിലും ചേര്‍ത്ത് നല്ലപോലെ മിക്‌സ് ചെയ്യുക. ഇത് മുഖത്തു പുരട്ടാം. മുഖത്തെ പാടുകളും വടുക്കളും മാറും.

തക്കാളി മിക്‌സിയില്‍ അടിയ്ക്കുക. ഇതിലേക്ക് അല്‍പം നാരങ്ങാനീര് ചേര്‍ക്കുക. ഈ മിശ്രിതം മുഖത്തു പുരട്ടിനോക്കൂ, അടുപ്പിച്ചു ചെയ്താല്‍ മുഖചര്‍മം വെളുക്കും. ചര്‍മത്തിന് തിളക്കവും കൂടും.

കുറച്ച് ബദാം എടുത്ത് വെള്ളത്തിലിട്ട് വയ്ക്കുക. ഇത് രാവിലെ നല്ലപോലെ പൊടിക്കുക. ഇതിലേക്ക് അല്‍പം തേന്‍ ചേര്‍ത്ത് മുഖത്ത് മസാജ് ചെയ്യാം. ഇത് നല്ലൊരു സ്‌ക്രബറിന്റെ ഗുണം ചെയ്യും.

ഓറഞ്ച് തൊലി ഉണക്കിപ്പൊടിക്കുക. ഇതിലേക്ക് പാല്‍ ചേര്‍ത്ത് മുഖത്തു പുരട്ടാം. അടുപ്പിച്ചു ചെയ്താല്‍ മുഖത്തിന് നിറം വര്‍ദ്ധിക്കും. ഓറഞ്ച് തൊലിയിലെ സിട്രസ് ആസിഡ് നല്ലൊരു ബ്ലീച്ചിന്റെ ഗുണമാണ് ചെയ്യുന്നത്.